富臨薈 (已結業)

又到聖誕，又到聖誕！好快又嚟到聖誕月，連中餐館都有聖誕大餐食，屋企人鍾情中菜，呢個中式Fusion版聖誕大餐就啱晒佢哋~紅米賽螃蟹餃紅色皮襯返聖誕節，賽螃蟹喺面頭，下面係粒粒大蝦仁，夠晒滋味。聖誕樹鍋貼三角型脆脆皮扮成聖誕樹，好食又有諗頭。冰鎮鮑魚聖誕樹用西蘭花砌成聖誕樹，入面用薯蓉做黏合，樹頂有四隻冰鎮鮑魚，再灑上椰絲扮雪粒，好有聖誕氣氛。佛跳牆每人一盅燉佛跳牆，係原盅上，有花膠、雞腳、瘦肉、海蔘，味道清甜。荷香珍珠雞用荷葉包住，荷香泗溢。 入邊好多材料，用料十足。海皇龍蝦扁意粉原隻龍蝦斬件上，肉質彈牙爽口。 意粉嗦晒龍蝦汁，好正！映雪白切糕夠晒煙韌，口感軟糯，有濃濃椰香味，面頭有啲彩色碎蛋卷，一脆一軟，雙重口感，味道唔錯。聖誕冰沙賣相好可愛，顏色艷麗，其實係火龍果加香蕉沙冰，清新而香甜。摩卡咖啡估唔到呢度竟然有咖啡飲，咖啡控梗係唔可以錯過啦！呢個餐幾抵食，其實三個人都會好夠食，再加多隻超特價乳鴿就一流！