影片
更多
2022-11-14
58 浏览
天氣漸漸轉涼開始進入初秋，特別想食暖笠笠嘅嘢，除咗打邊爐之外都仲有其他選擇嫁，想無咁燥熱可以揀蒸氣火鍋，但通常都係一大個鍋一大班人一齊食，「船渦」就主打一人一鍋，自己可以控制想食咩又可以選擇熟度，自由度相當大，而且每個座位之間都會用木簾分隔，增加私隱度👍🏻適逢秋天係食大閘蟹嘅季節，「船渦」都推出咁一個新嘅「橫行無忌套餐」，仲做緊優惠價$398，咁吸引又點可以唔食呢😋😋友人就揀咗另一款中價嘅「內務總管」套餐，每個電蒸爐都可以調教火力同教定時間慢慢蒸熟，仲會有提醒功能，包保唔會熟過龍啦😆「橫行無忌」套餐有齊以下海鮮，款款新鮮又鮮甜🤩-大閘蟹 （1隻公+1隻母）隻隻足四両半，唔好睇佢地好似細細隻，其實都好多膏又算有肉地，時令食材就最滋味😋- 貝類 （大蜆、白蜆、蟶子皇、元貝）隻隻新鮮，每隻都開到口又鮮甜，我地都都無加任何調味將佢蒸熟，天然海鮮鹹香已經好美味- 鮑魚同蝦應該都係即叫即撈，因為哩到仲有將多大魚缸養住新鮮海鮮、絕對唔係冰鮮貨，就咁清蒸就一定試到食材本身嘅味道，另外可以參考蒸煮時間表，咁就唔怕蒸過龍浪費咗咁高質嘅珍貴食材😎「內務總管」套餐除咗有新鮮海鮮之外，仲有三點刺身同炸物，係蒸煮
適逢秋天係食大閘蟹嘅季節，「船渦」都推出咁一個新嘅「橫行無忌套餐」，仲做緊優惠價$398，咁吸引又點可以唔食呢😋😋友人就揀咗另一款中價嘅「內務總管」套餐，每個電蒸爐都可以調教火力同教定時間慢慢蒸熟，仲會有提醒功能，包保唔會熟過龍啦😆
「橫行無忌」套餐有齊以下海鮮，款款新鮮又鮮甜🤩
-大閘蟹 （1隻公+1隻母）隻隻足四両半，唔好睇佢地好似細細隻，其實都好多膏又算有肉地，時令食材就最滋味😋
- 貝類 （大蜆、白蜆、蟶子皇、元貝）隻隻新鮮，每隻都開到口又鮮甜，我地都都無加任何調味將佢蒸熟，天然海鮮鹹香已經好美味
- 鮑魚同蝦應該都係即叫即撈，因為哩到仲有將多大魚缸養住新鮮海鮮、絕對唔係冰鮮貨，就咁清蒸就一定試到食材本身嘅味道，另外可以參考蒸煮時間表，咁就唔怕蒸過龍浪費咗咁高質嘅珍貴食材😎
「內務總管」套餐除咗有新鮮海鮮之外，仲有三點刺身同炸物，係蒸煮海鮮時作為前菜小食就哈啱哂啦，刺身新鮮有誠意，炸雞好脆口沾上沙律醬最滋味😋
套餐仲有肉類豬牛雞三選二同手打丸類，蔬菜拼盤都好豐盛，主食方面可以揀粥底或者麵食，我同友人就人揀咗一款可以happy share😌如果揀粥底，店員會係開爐前預先放入芋頭南瓜等，最後所有海鮮精華都會流哂落去成為煮粥嘅高湯，再放入綿綿嘅飯煮幾分鐘就食得，粥底超綿又鮮甜，芋頭南瓜都煮到成蓉，令粥底嘅甜度更加重，友人揀咗烏冬配上鮮魚湯，再放入蔬菜同手打丸仲可以自製烏冬set 添😄
张贴
