道頓堀御好燒專門店 (新城市廣場) (已結業)

被門面道具食物款麵餅吸引了，於是入去!原來係自己煮鐵板燒，有啲興，從來只有見師傅用2個鑊剷仔燒，終於可以扮吓師傅啦由於怕失敗，先叫帶子同牛肋肉試吓手勢。食材都新鮮，由於帶子不會出油，所以附上牛油(我估係)，仲有伴菜。牛肋肉有預先加上醬汁及葱花。技術還可以，加碼試煮肉類雜錦炒麵，豬及牛都切得薄薄，雞就切得相對夠厚，麵分量足夠，仲有伴菜同有壼油，今次料比較前2道菜多，難於掌握，都不過不失。仲有道蒸蔬菜，賣相夠多色(有''紅"蕃茄，"橙紅"蘿白，"淺黃"粟米仔，"黃"南瓜，"淺綠"椰菜，"綠"西蘭花，"啡"菇)，蒸15分鐘就食得! 每枱仲有香草，木魚絲，醬油，沙律醬比客人調味服務都好快回應!抽油煙如果拉近啲煮食位置可能好啲!