道頓堀御好燒專門店 (新城市廣場)

同老婆去左行街，大家都唔知食咩好，見到呢間野就入左黎試下🤗因爲第一次食，唔係太識，跟餐牌嗌左個兩人餐，都好期待食物到就開始燒雞手鴨腳都整到咁樣都唔差.......御好燒的味道幾好，跟在日本吃的差不多，但蔬菜略為少，少了爽口的口感，麵糊亦嫌少，所以整體來說，味道不錯，但份量少了正常應該每人一份御好燒再加一碟餸或班戟才夠但係有得落手落腳自己整 係幾好玩味道都唔差 可以一試🤣…查看更多

今日在沙田新城市廣場的道頓堀御好燒專門店食午餐，叫了1個肉類雜錦炒面及1個煎蛋炒飯。原來要自己用鑊鏟炒 ，由於第一次炒，材料普通，但覺得記好玩！地方都很靜，沒有太多人，不需等位！在日本道頓堀有廣島燒，原來這裏也有廣島燒，不過要自己燒！…查看更多

有日男友話好想食大阪燒，作為✨超 貼 心✨女友嘅我，二話不說就幫佢搵吓邊度有得食🧏🏻‍♀️。最後發現旺角咁大個地方，居然真係冇乜地方有大阪燒，有間2018年開嘅都執埋，唔通就係畀「道頓堀御好燒專門店」呢間連鎖店壟斷咗🤣（不過APM嘅「一杯」就仲有）⋯✍🏻 / 富 士 山 ✨💵價錢：HK$32🔘美味指數：❤️❤️❤❤🤍望住呢座山，靚係靚，但有啲無從入手⋯後來店員話要將上面白雪雪嘅蘿蔔蓉同其他食材煎好先，再倒返落去個碗度撈埋啲粉漿。結果就要先係粉漿度挑返啲食材拎去煎🤣好蠢嘅做法，應該將粉漿同食材分開上好啲，不過為咗座富士山，gimmick嘅野⋯雖然佢啲食材真係好豐富，有魷魚鬚、蝦、鱆魚、雞肉同豚肉，可惜食落略嫌冇乜菜，都係多啲菜食落冇咁濟☺️❣️✍🏻 / 道 頓 堀 名 物 ！ 牛 筋 炒 麵 飯 ✨💵價錢：HK$88🔘美味指數：❤️❤️❤❤❤呢間啲炒麵真係深得我心，今次試吓炒麵撈埋炒飯，結果都係咁好食🥰雖然到而家都唔知啲牛筋係咪應該掉落去煎，因為一遇熱就勁快化為烏有🙈所以略略煎一下就食咗了。✍🏻 / 雞 翼 ✨💵價錢：HK$58🔘美味指數：❤️❤️🤍🤍🤍本來係想嘆吓鐵板燒雞翼，點知個雞翼冇乜味，又勁普通，切邊上，計埋其實只有3.5隻，完全唔值呢個價😮‍💨最後食食下試吓加啲大阪燒醬去煎，又幾好味喎～個醬⋯大阪燒醬萬歲✨❣️👎🏻本來食得還可以，到最後我地都知用餐時間90分鐘差不多，望住錶準備走。點知有個店員走埋黎話我哋用餐時間都有啲長😑⋯男友睇一睇錶，超時1分鐘姐，講野嘅態度同語氣好似我哋阻住佢做生意咁😮‍💨💦💵埋單價錢：HK$264/2人🔘整體美味指數：❤️❤️❤❤🤍…查看更多

無得返鄉下食買玩😫，疫情之前去日本就玩得多DIY大阪燒、章魚丸，而家無得去玩🥺。唯有去沙田道頓堀御好燒專門店，一解思鄉情🥺，平日午餐時段唔使等位直接入去，一入去好大浸油煙味🤔 抽風系統不太好😂，座位適中舒適，我哋叫左兩個午餐，一份鐵板牛板腱 、另外一份御好燒，午餐價錢優惠、食物份量都幾大，牛板腱竟然有兩塊仲要厚切，所以都真係抵食👍🏻 ，我哋兩個大人食完都好飽，自己煎、自己煮、自己炒，有得玩有得食 ，不失為一個好選擇😅…查看更多

有得食又有得玩下，食物質素算一般般la，餐廳有好多款大阪燒選擇，還有燒肉，不過燒肉略嫌貴咗少少，一碟得幾片，生啤比一般日式餐廳，算合理價錢 大size$38。不過餐廳應該改善一下，爛咗嘅座位，大多數座位，皮層爆裂，着短褲坐下去，非常之唔舒服…查看更多

本身打算來食日本嘢，誰不知來到咗呢間垃圾餐廳！我哋叫咗二人餐，有廣島燒。待上菜後問可否幫我哋整，點知店員拎張牌畀我哋話：「你自己睇啦，跟著做就得了。」D調料點用一概不管！呢個就係跟住做嘅結果！我當係食炒麵！之後店員行過來話：「其實呢個入面嘅湯要倒落去！」聽完火都來！上嘢嘅時候又唔講！如果兩幅圖片睇得清楚咁個個都係廚師啦！我返屋企可以整啦！使咩出來食！第一次遇到呢D要自己整咁複雜嘅嘢嘅餐廳，服務費又收咗都冇服務！個餐D牛肉簡直係奇葩！未見過咁少，咁薄嘅牛肉！總之今次係極度差嘅體驗，完全冇心情再食！…查看更多

放假同男朋友去 staycation，當然順便搵下好嘢食啦！我哋未夠6點已經去咗取票，點知等到7點先入得💀👼🏻 第一次食估唔到要等咁耐，心諗千祈唔好令我失望啊～🤣我叫嘅係道頓堀特選御好燒 $108，而男朋友就叫咗富士山。🗻雖然整得有啲醜，但係味道方面幾好，跟返指引整唔會差得去邊。用料來說都很新鮮。💛 鍾意沙律醬嘅我一邊食要一邊加，務求啖啖都咁滿足。🥰有啲後悔嘅係我哋兩個叫嘅嘢都有啲似，整出嚟味道差唔多。我覺得兩個人食嘅話淨係整一個就夠，可以試多啲新嘢又冇咁單一。…查看更多

今日同朋友黎到新城市，晚市時段想食嘅餐廳都full晒，得道頓堀可以好快入座，諗到唔諗就入左去食😀 唔係第一次幫襯道頓堀，之前幫襯過都喜歡佢呢種可以自己動手煮嘅日式餐廳，而且我又鍾意食大阪燒🥳今次叫嘅四人餐有前菜、3款御好燒、5款鐵板燒、4杯飲品同甜品，份量足夠4個人食到好飽，而且除返開每人$200都唔洗😋四人分享套餐 $648前菜：和風蕃茄沙律蕃茄同生菜上面加上芝麻醬，蕃茄切得太大嚿🤨御好燒：➿廣島燒➿芝士四重奏御好燒有得食又有得玩嘅御好燒，有晒指示跟住整，就算地獄廚神都可以輕鬆整到，醬汁、紫菜同木魚碎隨自己鍾意添加，好難會難食🤣➿肉類雜錦炒麵炒麵整法唔難，一樣跟住餐廳指示整，不過記得炒之前要用佢比嘅湯整散個麵，炒嘅時候就唔會一餅餅，容易啲炒🤘🏻鐵板燒：➿牛板腱肉質鬆軟，醬汁同牛肉好夾➿鐵板泡菜魷魚椰菜、泡菜加魷魚嘅配搭，椰菜本身係韓國菜入面經常同泡菜一齊出現，加埋附送嘅醬汁一齊炒，令魷魚更加惹味😋順帶一提，會煮完一道菜，基本上個鐵板好易燶，要記得剷嘅焦先整下道菜，店員見到你剷唔到，都會主動黎幫你整，佢地三兩下手勢已經剷到塊鐵板非常乾淨✨不過佢有時間限制，基本上整晒4人餐嘅嘢食都係岩岩好夠時間，食雪糕食得好趕，而佢地又係咁催你走，時間唔夠呢樣嘢要扣分🥲…查看更多

中午同同事食飯嚟到新城市樓上見到呢間道頓堀御好燒專門店覺得幾得意便入咗去全程都要自己DIY動手我覺得都幾有趣下人均100出頭我哋照住圖片上面嘅步驟做出到嚟嘅嘢食味道都唔差係賣相差啲姐唔可以好似幅圖咁樣😹其實淋上個汁，都係差唔多味道…查看更多

三姨的日常帶個姨甥放電日，楝野食都係學問，要佢乖乖等食佢有二人set,都幾抵食不過，冇咩肉，唔夠我呢個肉食族我散叫左1cm豬腩肉，豬五花，同牛肩肉梗主角就梗係揀有明太子的雜感御好燒肉質黎講不過不失，我仍然食到有豬騷味，扣分個明太子燒，我地煎得脆卜卜，仲勁加鰹魚碎同紫菜碎，加埋佢個醬，咸咸甜甜，幾好食…查看更多

有次諗唔到食咩好就入左去食，先講明我係第一次食。叫左1CM厚切加拿大自然豬腩肉御好燒 ， 佢會先比你一碟沙律頂肚，之後再上一兜野 同扔張牌比你，係咁而落下食油係個盤到之後叫你自己睇個牌掃Qr Code再上YouTube學點整，整完大概20分鐘，之後先開始食。味道就好難評論，因為個御好燒其實係你自己整既。佢只係比左盤沙律、配料同兜料你，整得好唔好食就睇你本事。我食就覺得不過不失，不過D料Ok既缺點就真係非常明顯，上面都略略提到，就係個服務真係極差，第一次食就扔個牌比人叫人自生自滅，個YouTube教學話要落食油，如果唔係個待應有落我根本唔知食油擺咩位，連支野係邊都要自己估，我整果20分鐘全程唔見人，人都搵唔到（除左收走個兜）。以為個個都經驗老到御好燒達人咁款。 零服務可言，但係好意思收人加一服務費，唔係比唔起錢，係間野真係無服務，叫人掃Qr Code算咩服務呀？第一次食比人感覺真係好差埋單仲要130港紙，味道因為大部分都係自己整就難以評論。但係服務真心差。仲有百幾蚊黎講選擇真係太多，揀都唔會揀而度如果你想同朋友都係御好燒達人就可以考慮去食既，因為肉都幾多選擇，又有飯團食，可以一路燒一路吹水。幾適合Social 。另外想嘗試下自己整御好燒既人都可以去下。但係單純想食野就完全唔建議啦，個服務根本趕客。另外好餓既人都唔建議食，因為你叫完碟野要自己整，整成10幾分鐘，仲要睇個待應有冇心情關心你。煎爛左都係後果自負。你比錢純粹係享受整既過程，只係想食野既一律唔建議，味道難保證，又貴。我就覺得完全唔抵食，我就唔會再去了…查看更多

平時睇廚師煮野食別有一番風味但其實自己 或者同朋友 甚至伴侶一齊整野食應該麵幾有趣 餐廳提供晒Step 比客人去跟搞唔掂亦可以向店員呼救 佢哋會超nice咁黎教你自己煮嘅話 啲野食嘅形狀真係會差好遠 又好易一係無味 一係就太鹹 但個環境都幾舒服 同埋聽到其他客人都煮得好歡樂 充滿咗笑聲 想食野食得有啲趣味 有DIY成份嘅話 值得一試～…查看更多

之前嚟到新城市廣場呢度，見到好多人等位嘅大阪燒，今次難得早少少放工，早少少拎飛，就可以早啲入場～呢度出名食大阪燒，枱上面已經有一個預熱嘅鐵板，睇餐牌好似有好多選擇咁，但係其實大阪燒、文字燒對於我來講都好似差唔多⋯⋯每一樣都要自己動手整，可以玩又可以食，雖然煮起上嚟賣相可能冇咁靚，但係由於每一樣食物調好味嘅話，味道都唔差得去邊，醬汁可以自己任意添加～玩完之後發現又要煮得好味又要煮得靚都唔係咁簡單，好彩嘅係呢塊鐵板唔會好容易整燶食物，可以放心煮，唔使怕餓親冇嘢食～我今次食既大板燒有蝦同魷魚，切到細粒易炒熟，咬落爽口，炒面有彈性，煎香豚肉再淋上醬油同海苔就食得喇，賣相無咁靚，但一樣咁好味！…查看更多

新城市廣場 ，鐵板燒 午餐 ，款式精織和美味，店舖裝修高雅， 一於試試。 自製鐵板燒 ，一套有 三個碗 ，大碗裝住 薄脆 ，薄薄的五花豬肉 新鮮嘅 蝦肉和八爪魚粒，紅蘿蔔絲和蔥花 ，另一個小碗裝烏冬配上蔥花 ，另外第三個小碗就裝住兩隻新鮮嘅雞蛋， 我哋先放油在鐵板上 ，然後跟住餐牌上嘅說明， 逐樣放材料進鐵板上 ，五六分鐘後 ，靚靚嘅大阪燒烏冬就成功啦。 又有得玩又有得食好開心。…查看更多

趁住放假去到沙田新城市行街，同男朋友入左去試下呢間餐廳，去到既時候都2點幾，不過餐廳客人都算多，有接近7,8成滿。坐低嗌左個2人套餐$398連2杯飲品，食物既份量都算多，兩個人食都仲有剩，可以玩又可以食，以性價比黎講都幾高。如果食量比較小或者自己一個去既話，可以考慮一下散叫會更加抵食。值得一讚既係員工送餐速度快而有禮。不過餐廳既抽油煙機風力有啲弱雞，唔係好吸到鐵板上嘅油煙，走既時候身上會有一陣味。…查看更多