Passion (朗豪坊) (已結業)

今日賣甩晒啲豬朋狗友和麻煩同事，獨自去到潮流地標朗豪坊。逛到咁上下，就搵地方坐低歇一歇，順便醫埋個肚。見到呢間餐廳環境都唔錯，有啲田園鄉郊小屋 feel，似乎都幾舒服，一於幫襯佢。買咗一個 【煙三文魚凱撒沙律 $58】和【露筍忌廉湯 $20】，加埋都係 $78，價錢合理啦。【煙三文魚凱撒沙律】的蔬菜好新鮮，爽口清甜。有好多片煙三文魚，幾厚肉，都幾鮮味，加埋芝士碎和煙肉碎，味道都好夾。【露筍忌廉湯】是用紙杯上的，唔多環保。不過呢個唔係重點，重點係個湯嘅味道。露筍蓉和忌廉混合咗，原來可以咁好味，好香滑。