牛極 (大全街) (已結業)

好耐無食牛排，今晚一於刷一餐勁既！呢間牛極顧名思義係食牛，我比較喜歡軟身又唔肥既牛排，所以揀左牛柳（最細份200克）既。牛肩排本來想食呢個，因為聽職員講牛肉味會重，但會比較有彈性。牛柳 （200g)牛排會一成熟咁係熟石上上菜，要襯熟石未冷卻，將牛柳切成一塊塊，係熟石上燒。一切開入面係生既牛柳好軟身，好易就切成一塊塊。煮緊牛排既呢個時候就去拎前菜、湯、白飯。前菜加左柚子醋同蔴醬，口感清新，好開胃。個白飯加左紫菜芝麻，紫菜味比軟淡。個飯用黎配牛排食就岩曬，就咁食就太淡味。個湯係牛肉蕃茄湯，好有羅宋湯味，我飲左三碗。個牛柳好軟身，食落牛肉味都幾夠，就算唔點醬汁都好味。份量岩岩好，唔會太多。男仔既可能就要叫（300g)既先夠啦！食到一半先記得有三種醬可以點牛排食。呢個係建議食法，可以接自己既喜好，將牛排切成小塊，在熟石上烤，咁就要幾成熟，就有幾成熟啦！日本風味環境，有bar檯，又有卡位。自己食得，同朋友情人家人一齊食又得。