燒蝦蝦 (興泰大廈) (已結業)

呢間餐廳好特別啊，喺屯門新開之餘仲要自己出手先有得食🤣好啦今日要為大家介紹嘅就係屯門新開嘅流水蝦店舖-燒蝦蝦😆一入到去已經超級多人，好彩餐廳後面都夠大，等陣就好快有得入座。每張枱隔離都有一個水缸養住一啲流水蝦🦐佢地嘅魚缸仲要打理得好好👍🏻首先我哋要用餐廳提供嘅小冰桶同鉗將流水蝦從魚缸內夾出🦐你唔好睇好似好簡單咁呀但係其實佢哋呢間餐廳嘅流水蝦全部都勁生猛，隻隻都扎扎跳㗎！一個唔小心隨時甩手😂當捉到之後我哋要即刻放入冰筒裏面冰鎮佢一陣先燒，目的除咗係要令到佢啲蝦肉彈牙啲，蝦膏唔算多，但蝦肉好鮮甜，蝦肉好紮實，好有滿足！