福岡漢堡扒 (厚福街) (已結業)

用熱石自己煎完即刻食真係寧舍香!二人餐($359)好豐富食到勁飽，一人一份芝士蛋蒜和牛漢堡扒唔洗爭!! 仲有前菜，沙律同麵豉湯。芝士蛋本身已經夠正，仲要加埋煎香左既蒜片，真係超香口😋舊石超熱煎幾秒就可以表面焦香，漢堡扒厚薄自己話事，我就中意煎厚既❣我好中意哩個墨西哥辣椒，特登加左一份，酸酸辣辣好惹味。夾蛋定夾漢堡扒都一樣咁正。月見味噌牛don份量好大牛好多，塊塊都係大肥牛，本身有味噌少少咸味，加埋蛋黃拌飯一流。特飲百香果特飲$18 蜂蜜紅棗茶$13超大杯好抵飲😂而且好飲唔會死甜✔仲有d店員好好見你塊石開始冷卻無乜反應就即刻主動走黎換過舊，仲好好禮貌，值得一讚✔