蝦蝦燒

营业中

休息中

呢到最大既賣點應該係可以自己夾蝦出黎燒啦! 一坐埋位，側邊就有一個大水缸，全部都係蝦黎，店鋪會提供夾比你去夾D蝦，每隻都好大隻架! 夾完之後可以係自己位個爐到燒，呢幾日咁凍，咁樣燒野食真係會暖笠笠! 除左蝦之外，仲有好多其他新鲜的海鮮，有蜆，扇貝，鮑魚，螺，魷魚，八爪魚等等。熟食方面，都係主要用海鮮黎整，有蒜蓉蝦，辣酒煮螺，全部都好入味!另外，仲有D肉類同菜類的串燒，有肥牛金姑卷，雞翼串等等。燒完仲可以自己落粉調味，個人覺得落孜然粉最正! 佢另外仲有提供辣椒粉，椒鹽粉同粗鹽。呢到既蒜蓉包都好好食! 燒完出黎超級香!! 好食唔小心食左3大塊啊! 呢到仲有得燒Waffle架! 除左有牛油，彩針，朱古力醬去配搭之外，其實燒完再加雪糕係面都好好食! 呢到既雪糕種類都好多!最鐘意就係焦糖餅味~