福岡漢堡扒 (厚福街) (已結業)

哩間餐廳上網見到好多人去食，今次就約埋朋友一齊去試下，佢有六款漢堡扒餐可以選擇，唔想煎既話，亦可以揀丼飯。漢堡扒餐會配飯、麵豉湯、配菜同沙律，而且分大中細size，唔同收費，所以可以因應自己既食量作出選擇。🍳芝士蛋和牛漢堡扒 $106細一上枱望到粒和牛波波都幾得意，佢旁邊有舊熱石，係要自己將和牛切落嚟，再放上熱石到煎，成個過程唔會好難，而且和牛好快就熟，哩款和牛既肉質較軟腍，幾香牛味，仲配有芝士蛋。🍳芝士蛋蒜和牛漢堡扒 $113細哩個基本上同前一個一樣，只係多左炸蒜片，但哩啲炸蒜片先係重點，佢令到啲和牛變得更加香口，鍾意蒜味既朋友可以揀哩個，值得一讚既係店員會留意熱石夠唔夠熱，之後幫我地換。佢另外仲提供左醬汁，可以點鹽或者醬汁一齊食。整體黎講，自己煎和牛的確係幾過癮😂幾適合作為情侶活動，可以一試。