魚蝦蟹 (已結業)

中環依間「魚蝦蟹HooHeyHow」主打自家製魚湯，絕無味精，好健康，亦有賣唔同嘅Fusion菜式，仲要免收加一服務費，單點主菜一份，再加$20轉為套餐，可以品嚐到唔同日式小食同包裝飲品。特濃泡菜蝦汁意大利粉（單點$108），鮮蝦肉質爽口，食落好新鮮，仲要已經去咗蝦殼，食落啖啖肉，意大利粉口感軟硬適中，容易掛汁，特濃泡菜蝦汁味道酸辣、帶有鮮味。黑松露忌廉蟹肉意大利粉（單點$108），黑松露忌廉口感Creamy，味道濃郁，蟹肉食落有鮮味，但略嫌份量比較少。酥炸魷魚鬚（單點$40），口感外酥脆內彈牙，味道鮮甜。是日小菜或炸物•2款開胃前菜•精選鮮果（跟餐$20），日式吉列炸蝦，口感外酥脆內彈牙，配以美乃滋食用，味道更佳；日式糖漬小番茄，味道酸甜，食落好Juicy；醋醃蘿蔔，紅蘿蔔、白蘿蔔，口感爽脆，味道酸溜；香橙，味道清甜。是日小菜或炸物•2款開胃前菜•精選鮮果（跟餐$20），肉沫白菜，肉沫食落味道鹹香。零系可口可樂（跟餐$0），飲落好清爽。道地蘋果綠茶（跟餐$0），茶味清香。