校長燒肉日韓料理 (觀塘廣場)

营业中

休息中

其實呢間已經係第2次黎，野食依然都係咁多選擇🤭我地2個人平日去，都係$248+10%又可以韓燒又可以打邊爐超值。食物種類好多，肉款雞牛豬魚都係基本，醃得幾好味👍🏻邊爐選擇亦都耐，丸、腸、菜、午餐肉應有盡有，連沙律吧、刺身都有！飲品種類多到有4個大雪櫃！有酒精無酒精都有！連汽水唔同系列既都有！甜品方面雪條雪糕唔少得，雖然唔係大牌子，但有泡芙蛋糕仲有凍西瓜凍菠蘿！過下口癮都開心啦！烤爐火力好猛烈！野食好快熱同熟，燒得好過癮！邊爐湯底有豬骨同壽喜燒，麻辣湯我去果日咁岩無曬🥲我地果日食壽喜燒，湯底甜甜地幾好食！講左咁多野食，仲有好多都未講架😂仲有好多熟食同蒸點心！所以話呢間放題做到自助餐仲要$300有拎傾計無限時咁真係無得輸。