A.T.A.S

营业中

休息中

之前book mark左呢間，見到菜式吸引，又比較少食呢類型嘅餐廳，今日離開銅鑼灣終於食到！要行一層樓梯，上到嚟原來係自助形式。我哋唔係繁忙時間食，所以好多空位。點完餐，等咗一陣，就自己去返櫃面拎嘢食。我哋二人叫咗個咖椰爆漿 多士、炸五香卷、辣椒板面、同埋兩杯凍飲。 全部都好食好飲！ 夠晒邪惡要減肥真係唔可以嚟依度，唔會抵受得住爆漿多士最期待，實物又唔係好爆漿。不過味道得！鍾意食甜嘢嘅人，實要嗌！好食還好食，我哋每人食兩舊就食唔落，如果多個人share就perfect!五香卷有驚喜，入邊係豬肉，外皮好脆，唔會覺得好油，好食！辣椒板面，我哋本人唔食得好辣，但係呢個都可以，辣得來唔辛苦，好惹味。估唔到份量咁多！不過食落去會越嚟越辣，配嘢飲會好啲整體來講都有驚喜，食物得，環境就麻麻好似food court咁，嘢食要分幾次自己拎，會有啲麻煩。