聚好冰室 (已結業)

天氣又轉冷，喺太子經過呢間茶餐廳，見到午餐有臘味雙腸飯($48)，於是入去食吓先，等左大概十分鐘，碟臘味飯就熱辣辣咁上抬喇，即刻拎起筷子夾塊潤腸放入口食，正呀，就喺我喜愛食嘅帶有玫瑰酒香嘅潤腸，玫瑰酒香提升左潤腸嘅味道，食後酒香在味蕾上徘徊，感覺好正，就喺咁一啖腸一啖飯，好快就將佢KO左。唔知係咪天氣冷，食左碟臘味飯之後仲未飽，所以攞餐牌再👀吓有乜食，見到有炸雞脾，所以叫番隻食，點知侍應話冇，問我要不要鹵水鷄脾，我對鹵水鷄脾冇乜興趣，於是又望下有乜其他嘢食，見到有牛腩，啱曬而家凍天氣食，所以叫左一個嚟食，上檯時都係熱辣辣，牛腩夠曬腍同埋夠入味，用碗裝住啲牛腩同腩汁可以幫助食物保溫，冇咁快變凍。