天吉屋 (已結業)

同老公去朗豪坊行街，經過有間專食天婦羅飯就入去食下啦，見佢價錢又唔貴。咁我哋就叫咗一個軟殼蟹丼同埋天幕御膳，佢嘅沙律菜係任食嘅。先講軟殼蟹丼，佢真係好多軟殼蟹，多到我要搵多隻碗去放，佢個軟殼蟹好脆，同埋佢已經加咗醬油，所以再唔需要點任何嘅汁已經好好味。而佢仲有一隻天婦羅係由皇帝菜再加櫻花蝦而整成，職員同我講櫻花蝦係新鮮整，唔係一早已經曬乾嗰啲櫻花蝦，呢個配搭又幾好味，唔錯。天幕御膳，係有黑虎蝦，海紅鯛魚，炸紫菜，食呢個飯有三個食法，想講嘅係本來就咁食都已經好好味，分別再試埋佢三個食法，完全食到幾唔同的味道，幾好。