中華小館

营业中

休息中

作為片皮鴨fans一定要bookmark中華小館！餐廳推出$498嘅放題套餐，加入唔少懷舊菜式但用上新派煮法，好似油香四溢嘅臘腸卷，亦有加入萵荀絲嘅碗仔翅，新鮮感十足；蒜蓉炒菜、燒味飯、魚皮同埋鮮淮山都係任點菜式。放題套餐嘅主角當然係鎮店片皮鴨，鴨皮即叫即烤好脆身，油脂唔多食完唔覺滯，仲要配埋海量青瓜絲蔥絲，最欣賞嘅就係佢每次只上四件片皮鴨配餅皮，保證喺佢凍之前已經食晒落肚👍🏻👍🏻👍🏻除咗片皮鴨套餐另一吸引之處係包咗一人一份嘅鮑魚花菇扣鴨掌，用料上乘，醬汁香濃又唔過鹹，好食～～喺酒吧林立嘅駱克道中華小館嘅中國風裝潢格外搶眼，雖然走懷舊古風路線但其實所有嘢都keep得新淨企理，好啱打卡。