磯幸 (已結業)

經過灣仔成日見到有間地舖裝修得好日式化，以黑紅色顏色為主題，帶點神秘嘅感覺，我同朋友就入去試吓日本菜。店員服務態度親切殷勤，隨即安排我哋坐卡位位置，座位非常寬敞，而且沙發非常舒適。餐牌上食物分門別類排列，而且富有圖片參考，非常吸引。隨即Order咗開胃小食-日本凍蕃茄，蕃茄顏色鮮艷，望落去好新鮮好香，食落去真係好鮮甜多汁。刺身方面我哋叫咗包括吞拿魚腩、活赤貝同埋象拔蚌刺身，當然由淡味開始食會比較好。食落去赤貝刺身非常爽口鮮甜。吞拿魚腩色澤光潤，呈現粉紅色，非常肥美。燒物方面，有北海道活帆立貝同埋蟹肉甲羅燒。帆立貝好大隻，食落去爽口之餘，而且味道好新鮮。除此之外，仲有千兩茄子、白鱔同埋蟹肉斧飯，仲要好新鮮好滋味。最後埋單都只係$1200左右每人平均消費$600，價錢合理食物高質素值得一去嘅日本餐廳。