容記小菜王 (已易手)

今晚一家四口去咗容記，7點去到好快就有位。不自覺地倖倖然，很快叫咗啲基本嘢：南乳粗齋煲，蒜香骨，生炒骨，薑蔥魚腩煲及燒腩仔。落單後5分鐘啲餸就到，快過麥當勞。首先我真是覺得佢嘅食材比起普通茶記仲差，煲仔小炒都唔夠火喉，蒜香骨唔夠蒜唔夠香，肉質太肥，粉紅及未離骨，驚嚇！。南乳煲啲汁又淡又冇南乳味。生炒骨同魚腩煲一般般冇乜特別。最特別係個招牌燒腩仔，啲腩肉係裹蒸糉入面的肥肉，皮係脆但有燶味，X你老味。同三四年前差咗三皮，最後仲要收茶$，老實講我寧願去過幾個街口的萬發囉。今次應該係我last time 去容記