優點心 (已結業)

夜晚加班後搵嘢食，見佢本身有兩枱客，價錢算合理，加上落大雨就蒙頭入閘。首先，我坐低時佢已經無客，都要等成15分鐘。好！當你即叫即整，一上枱碟腸粉爛到咩咁都夠膽上碟。又算！叫左碟燒露筍，幼過條牙籤基本上上碟啲湯餃全部唔係痴住就係煮爛。算喇當好又一餐唔好又一餐。最後上嘅係粉果，menu寫3pcs，佢上枱得兩隻，問佢又唔清唔楚，話比返隻我地，OK，忍你，點知最後隻粉果個餡係凍嘅！好嘢，喺中環蘭桂芳都畀我搵到年度劣食。日頭好唔好食我唔知，但夜晚千萬不要來！