牛の鍋日本料理

营业中

休息中

見食評講到咁吸引，即興走去試下，有啲座位好迫，我地一家三口算係坐得舒服，難為有啲2人枱放係走廊通道。叫左蔘鬚火腿雞湯，好香，但係又唔覺有咩味道。肉類太薄，快快手淥完食落口都係鞋口，我從未試過去一間日式火鍋店食咁少肉，因為真係唔好食。其他丸類質素係ok嘅，見食評勁讚啲刺身好味，要不停encore，我反而覺得刺身全部都無咩味道，只靠醬油調味，老實講，超市嘅刺身更好味。甜品的確比其他火鍋店多選擇，楊枝甘露味道唔錯，但係太細杯，隻匙羹又細，好似去超市試食咁，或者應該一次過連食4杯嘅感覺會好啲。唯一要讚嘅地方係食完無特別口渴，所以應該唔多味精，但係荃灣有其他更好嘅選擇，所以唔會再去。