有口福

营业中

休息中

今日諗住去試下九龍城既川菜味菜館 見到有口福滿座 睇落唔錯 決定試一試😇入座後叫左兩道菜辣子雞等左二十分鐘先到 食落去味道唔錯 夠辣 但食食下發現唔妥 雞皮硬 呢碟菜又肉少骨多 唔係話佢冇肉 但成碟菜既雞肉斬到勁細 一粒一粒咁仲細過辣椒 愈食愈唔耐煩😐食完辣子雞 第二道菜酸菜魚仲未到 已經等左一小時。。。 真係好無奈 係個位到睇到廚房既佈置 原來得老細一個自己煮菜 隔離有個人打下手 唔怪得要等一個鐘 等等下都飽左 唉😴第二道菜酸菜魚 冇魚骨 魚肉足 有濃濃豆香 但酸味辣味尚嫌不足 無酸菜魚既味道 非常可惜最可惜既係要我等一個鐘先食到呢碟菜😪