潮福蒸氣火鍋 (已結業)

極品燒鵝王 - $92呢碟例牌燒鵝，佢個肉質比較軟身，口感吾錯，肉質比一般燒鵝店好食嘅。另外份量都幾多，有好多嚿都好多肉， 點少少酸梅醬送飯食。薑蔥大魚頭煲 - $85魚頭煲因為佢放咗好多蔥，蒜蓉，同埋薑落炒，所以好香口， 炒得好夠鑊氣。見到隔離枱食碟沙拉骨，賣相吾錯，咁我睇返個餐牌都係68元，下次可以試下環境方面呢度係酒樓嘅裝修呀，裝修唔錯，枱與枱之間有一定距離， 絕對唔會有擠迫嘅感覺， 另外呢度有啲卡位， 鍾意坐卡位嘅朋友可以早少少來或者book位。