影片
更多
2007-09-16
5 浏览
呢個食肆資料照片係我提供,但我都係今日晏晝第一次幫襯。近日見佢飯市時間都好旺,估計應該都唔錯,尋晚經過上址附近,見到個死黨傾一陣。佢話間鋪雞幾ok,尤其海南雞辣醬汁最正,仲話平時有外賣送,連元朗警署及已婚警察宿舍,平時都好多人叫外賣喎!咁我見今日休息得晏,三點左右就一個人幫襯,入去時一個客都冇,只有老闆一班人傾偈。我叫【海南雞飯$25元/跟餐凍飲奶茶另加$5元】,最初我天真以為,會雞及飯分開上,或用一隻碟一邊載雞件,及一邊載白飯!?但端上一碟就似普通燒臘店賣相切雞飯一樣,雞件直接鋪上飯面,而醬汁就自己上自取。凍奶茶個玻璃杯好大杯,但係裝唔滿仲爭一吋有多,感覺怪怪!?點解唔用細少少杯呢?首先評價碟【海南雞飯】,雞件比死黨口中少好多,可能佢警署叫,同埋知佢地係咩人啦!所以特別斬多少少份量都未定!? 份量雖少但肉質真係幾滑,加埋自己任加酸辣醬汁,確係幾醒胃。飯就唔係傳統雞油飯,不過$25元仲想點,食品價格加幅咁高,咁價錢咁質素合格哂!凍奶茶比我想像中好,亦比附近一帶茶餐廳,更有茶味及奶味,唔錯!我少少個人意見,就係如果佢可以set一個套餐,雞及飯分開上,兩樣份量都加多少少,再加例湯一碗及冷熱
我叫【海南雞飯$25元/跟餐凍飲奶茶另加$5元】,最初我天真以為,會雞及飯分開上,或用一隻碟一邊載雞件,及一邊載白飯!?但端上一碟就似普通燒臘店賣相切雞飯一樣,雞件直接鋪上飯面,而醬汁就自己上自取。凍奶茶個玻璃杯好大杯,但係裝唔滿仲爭一吋有多,感覺怪怪!?點解唔用細少少杯呢?
首先評價碟【海南雞飯】,雞件比死黨口中少好多,可能佢警署叫,同埋知佢地係咩人啦!所以特別斬多少少份量都未定!? 份量雖少但肉質真係幾滑,加埋自己任加酸辣醬汁,確係幾醒胃。飯就唔係傳統雞油飯,不過$25元仲想點,食品價格加幅咁高,咁價錢咁質素合格哂!
凍奶茶比我想像中好,亦比附近一帶茶餐廳,更有茶味及奶味,唔錯!
我少少個人意見,就係如果佢可以set一個套餐,雞及飯分開上,兩樣份量都加多少少,再加例湯一碗及冷熱飲品,個價去到$40元或以上,尤其係晚飯時我會幫襯。因為我男人老狗,一個人食一碟碟頭飯,真係唔多夠喉,鍾意食雞人士,總係比較捨得使錢,希望盡量滿足口腹之慾嘛...哈!
場內裝修一般,廚房係開放式,可能因為慳成本,但開放式做落話,客人就會感覺唔多乾淨,同埋個廚房佔鋪內空間都幾大。鋪內堂食空間真係有限,主要有兩張長,兩張長中間都有插太陽遮窿位,即係本身係戶外長,但都坐得ok唔逼。個人開過食肆經驗,鋪內都浪費好多有用空間,希望佢會發覺及慢慢改善。
其實呢間食肆老闆,大家都係熟口熟面,因為佢以前係附近【牛頭吧】活躍人士,當年我晚晚浦果度,所以大家見到面都心照,係爭在可能太耐冇見,大家唔熟冇打招呼!
不過我睇得出,佢做食肆係有誠意,加上果條街潛力幾大,我相信保持及繼續改善各方面,應該都會做得出名。
张贴