影片
更多
2016-04-25
7168 浏览
听同事推介Mr Steak嘅自助餐好耐，因为选择、质素唔差得到过啲四、五星酒店，而且，定价相宜，最近更因为15周年做紧4送1，咁就更加唔可以错过啦。嚟到门口先知自助餐都有做主题，仲喺佐贺和牛，感觉更期待。收费周一至日都喺一样：每位$428（5:00-7:00pm）、$548（7:30-10:00pm），另收加一服务费。就算凑唔够4人同行，亦有啲信用卡折扣优惠。咪睇门面细细，餐厅占地成层楼，入到去其实好大，就算好似今晚只喺闲日，都足有九乘几满，可见其吸引力有几大。因为收工过嚟，所以时间尚早，之前一场完咗，见侍应清紧场，而师傅补充紧食物。好在接待嘅店员放行可以让小弟入内影吓相，真喺好难得食自助餐却无乜人情况下慢慢影。就先介绍吓佢哋个自助餐有啲咩食物选择。冷盘、芝士碟、预制沙律堂座中间有张独立食物枱，一枱摆满多款的的骰骰嘅冷盘小食，当中不乏好嘢，又唔少得冻切肠、巴马火腿……常见冷盘食物，真喺目不暇给，详细就唔多讲，特别嘅一阵再分享。此外，芝士碟嘅阵容亦唔弱，4款芝士搭多种配料，制预沙律更有7款之多（如烧南瓜沙律、华都夫沙律、红菜头沙律、德国薯仔沙律……等等），唔喺迤做嘅款式。沙律吧另一边厢仲
嚟到门口先知自助餐都有做主题，仲喺佐贺和牛，感觉更期待。收费周一至日都喺一样：每位$428（5:00-7:00pm）、$548（7:30-10:00pm），另收加一服务费。就算凑唔够4人同行，亦有啲信用卡折扣优惠。
咪睇门面细细，餐厅占地成层楼，入到去其实好大，就算好似今晚只喺闲日，都足有九乘几满，可见其吸引力有几大。
因为收工过嚟，所以时间尚早，之前一场完咗，见侍应清紧场，而师傅补充紧食物。好在接待嘅店员放行可以让小弟入内影吓相，真喺好难得食自助餐却无乜人情况下慢慢影。就先介绍吓佢哋个自助餐有啲咩食物选择。
冷盘、芝士碟、预制沙律堂座中间有张独立食物枱，一枱摆满多款的的骰骰嘅冷盘小食，当中不乏好嘢，又唔少得冻切肠、巴马火腿……常见冷盘食物，真喺目不暇给，详细就唔多讲，特别嘅一阵再分享。此外，芝士碟嘅阵容亦唔弱，4款芝士搭多种配料，制预沙律更有7款之多（如烧南瓜沙律、华都夫沙律、红菜头沙律、德国薯仔沙律……等等），唔喺迤做嘅款式。
沙律吧另一边厢仲有自助沙律吧，主要喺多款新鲜嘅沙律菜、3款酱汁（意大利汁、蕃茄油醋、千岛汁）及多枝唔同味道嘅油醋；仲有，边位一角特意设咗个做凯撒沙律嘅大钢盆及相关配料，有兴趣嘅朋友不妨搞吓！
惯性，第一道菜要食就一定喺沙律，既帮助消化，亦可以提升胃口。先嚟一碟田园沙律菜拌蕃茄油醋，再搭少少唔同款式嘅预制沙律及冻切肠、巴马火腿……等等，有清爽，有咸香，好好食嘅自家配前菜。
汤品果然唔喺「求其」，有花旗参鸡炖汤及酥皮海鲜汤，前者够晒火喉，滋补健康，入口带点甘苦味；酥皮汤焗得金黄酥香，层酥皮松化薄脆，而忌廉汤滑溜唔错。
杂绵冷盘饮完个汤暖暖身后，再试吓啲冷盘嘢，其实都有几多选择，但自知食量有限，精选几款浅尝就够。个芝士波几得意，原来喺忌廉芝士包住原粒提子再沾满黑白芝麻，浓郁嘅芝士中一层清甜提子香，几唔错嘅配搭；另外，DIY四重芝士伴法包，「芝」味满泻，如果有个多士焗炉仔烘一烘仲唔正到爆！
冻海鲜虽然无生蚝，但一样唔觉得失礼，皆因主打喺面包蟹及波士顿龙虾，全部一开二方便食用，仲要身后冻柜放满一盘又一盘海鲜，以证货源充满，最怕你唔嚟试。
此外，另一边位又放满长蟹脚、青口、冻虾，伴有柠檬角、红酒醋及鸡尾酱，应该足够满足到啲海鲜迷。
小弟就一碟过尽揽以上海鲜，望见都令人醒神。讲真，啲质素确喺唔错，龙虾一叉境起晒成件肉，点啲红酒醋，够豪爽呀；面包蟹嘅肉唔多，但爆晒膏，丰厚甘腴；长蟹脚一次过拆晒啲蟹肉慢慢叹，而其他海鲜，都喺水准不赖嘅货式。
刺身、寿司食完几轮嘢，喺时间抖一抖，所以，又趁空档介绍吓其他美食，晌两个冻海鲜档中间就喺刺身同寿司。一柜刺身冻，有带子、𫠒红鱼、赤贝、 象拔蚌、油甘鱼及三文鱼共7款，此外，旁边更有好多寿司及卷物。小弟就无帮衬，不过，听试过嘅朋友话，刺身嘅质素无欺场。
热盘食完一大碟凉浸浸嘅冻海鲜，揾吓啲热食平衡吓，跟住介绍吓热盘有咩选择。晌餐厅嘅最入位置，就喺各样热盘嘅所在地，不外乎中西东南亚菜式，除相片辅助外，文字纪录尽量列晒所以热盘：北京片皮鸭、猪脚姜醋、福建炒饭、卡邦尼意粉、黑椒牛肋骨、瑶柱扒西兰花、清蒸比目鱼、古法双冬羊腩煲、泰式红咖喱鸡、马来咖哩牛腩、清蒸活海鲜、蚝皇冬菇烩花胶、辣酒煮花螺、海参扣鸭掌、椒盐大虾，包揽嘅范围几阔，咩年龄层嘅人都有啱食嘅嘢。
铁板烧但讲到吸引，隔离嘅铁板烧似乎更加吸引，法式煎鸭肝、澳洲羊架、扒大虾、韩牛师傅不停咁烧，惹起一室香气，唔吸引就有鬼喇！
烧肉眼、烤蔬菜再过多步，就有烧肉眼，睇佢个横切面色泽粉嫩，又无血水渗出，烧得刚好，一大盆烤蔬菜，想要几多都得。
最后，就热盘、铁板烧及烧肉眼各取部份所好，成为小弟杂肉拼盘。最欣赏喺啲膻香嘅澳洲羊架、嫩滑嘅烧肉眼、细嫩嘅比目鱼、肉味浓嘅韩牛，越食越滋味，真喺欲罢不能，如果唔喺留留肚作尾段嘅甜点冲击，真喺想食多几件扒呀！
佐贺和牛最尾一组嘅食物柜位，就喺供应主题嘅佐贺和牛，一片又一片嘅佐贺和牛，油脂如雪花，均匀分布，以寿喜烧形式烹调，轻灼几吓就食得。不愧嚟自佐贺，真喺唔喺浪得虚名，肉质嫩滑到不得了，食落满口油香。
传情达意心太软依度嘅甜品选择唔止多，仲好有质素，以及富心思，而讲到最具心思就一定要数到「传情达意心太软」喇，点解？晚市第二轮自助餐，8:15pm开始有即制嘅心太软出烬，心思位就喺客人可以提交祝福字句，师傅仔会晌餐碟上为你写上，并加埋少少公仔，色彩缤纷，既可氹人开心，又可以献上诚心嘅祝福。当然唔打算写任何嘢，一样可以享用，不得不提，师傅仔手字真喺写得几靓。
心太软不停出炉，保证个个都新鲜热辣，烘焗时间拿捏好，所以，烘得外壳唔厚，流心效果好突出，朱古力味香浓，唔喺得个样，好睇又好食。
甜品吧甜品嘅阵容的确几鼎盛，其实，一入门口左边就喺十几尺嘅甜品吧枱及后面一大个蛋糕柜，而枱上摆设嘅甜品粗略一望都超过廿款，甜品迷实开心死，款式实在太多，所以唔尽细写，有图有真相自己睇睇吧！重点推介就一定喺最近门口位一堆嘅法式小杂饼及3.6牛乳布甸，不过，小弟唔太钟意生人霸死地，绝少一早霸住几件，所以，无缘试到啲法式小杂饼就由去，其实，最后亦拎到唔少好味嘅甜点。
甜点拼盘大放送3.6牛乳布甸、柠檬饼、蜜桃批、吉士千层酥、泡芙、朱古力挞、马卡龙、法式炖蛋，就喺小弟个甜品组合，个牛乳布甸真喺好正，奶味超浓郁，质感滑溜到不得了；蜜桃批及朱古力挞都好好味，前者酥香，后者松脆。
Haagen Dazs雪糕甜点环节仲未完，因为仲要哈根大师雪糕，雪糕柜就晌心太软侧，成个雪糕柜放有12款雪糕及多款配料，另外，仲有个小雪糕柜提供HD及Dreyer's迷你杯装雪糕。
小弟就拣咗冧酒提子雪糕、芒果雪糕及桑莓雪葩，再伴点新鲜生果作为今餐晚饭嘅结尾，让舌头清新番一下。
顺带讲埋，有果汁、即磨咖啡机、红茶……饮品供应，全自助，饮几多斟几多。
虽然唔喺晌酒店里食自助餐，但一样食得大满足，亦令小弟对Mr. Steak刮目相看，感觉好唔同，再喺单单卖扒嘅地方！
张贴
