聰嫂私房甜品

营业中

休息中

不嬲都好鍾意食聰嫂，但係市區一直都冇，最近發現竟然旺角開咗間新嘅，不過一直都好多人排隊，所以今日就試吓買外賣返屋企食啦。一去到舖頭真係好多人，而且佢嘅裝修好靚，都好適合打卡。不過真係太多人等緊，問咗職員買外賣等15分鐘就得，咁就決定就買外賣啦。我哋揀咗一個椰皇桃膠燉奶，佢係椰皇入面裝住燉奶，好適合打卡，而且食落好足料，好多桃膠同埋燉奶嘅味道都好好。同埋價錢好平，雖然好食，但係比平時啲唔係連鎖嘅甜品舖更加平。另外仲叫咗個湯圓，湯圓有好多粒，咁平嘅價錢竟然有六粒。$32食到好食嘅芝麻湯圓真係好抵，仲抵過喺超級市場買。佢哋芝麻味好濃，同雪藏嗰啲爭好遠，但係價錢卻差唔多，唔怪得咁多人食啦。呢間甜品舖又平又抵食，而且環境又靚，下次都一定會再嚟食呀。