聰嫂私房甜品

营业中

休息中

夏日炎炎，又係去食冰嘅好時候～上幾次都係主要食聰嫂個生果冰，今次想試下佢個椰皇奶凍1. 蜜瓜冰豆腐花（$45） 呢個咁多年依然係我最鐘意嘅甜品，蜜瓜咁多年都唔會食到藥水味～2. 龍眼冰仙草凍（$39） 覺得今次既龍眼味比以往都更甜～配埋仙草凍係夏天消暑之選3. 椰皇燉蓮子雙皮奶（冷）（$69） 本身以為太水，原來雙皮奶最頂係加左d椰奶係到，雙皮奶奶香十足，仲有椰皇同蓮子嘅香味，都唔錯，d椰肉仲係可以食架！唔係好老好硬個隻～

呢排真係熱到溶，係旺角行玩完街，熱到頂唔順，要去食冰凍糖水消暑！原來旺角都開左兩間聰嫂，今次試左四款人氣甜品，質素依然keep到喔！芒果椰果冰新鮮芒果打成細膩冰沙，甜中帶微酸，椰果Q彈同冰沙綿密形成對比，偶爾咬到啲水晶珠，層次感更豐富！夏日必食！芒果奶昔雙皮奶面層有三大塊香甜芒果，中間係冰凍芒果奶昔，口感似沙冰，底下係雙皮奶，帶濃郁奶香，質地順滑。芒果奶昔巧妙平衡雙皮奶既厚重，一次體驗兩種風味。榴槤冰仙草凍榴槤控必食！榴槤冰沙香氣濃郁，仲有一球香甜榴槤蓉，同仙草清香形成絕妙平衡。仙草凍微苦剛好中和榴槤甜膩，底層淡奶更增添醇厚感，整體口感好豐富！杏仁茶燉蛋白（熱）杏仁茶磨得極細，燉蛋白口感軟滑，甜度控制得宜，係好養生既甜品。

好耐之前屯門有一間分店可能生意唔好執左之後好難喺新界搵到呢一間嘢以為一定要去過海估唔到旺角都有雖然門口好多人等位但係好快就等到了終於食到心心念念嘅龍眼冰龍眼冰第一啖食落去好清甜你會食到每一啖冰入邊都會有龍眼肉我朋友叫做蜜瓜涼粉 話試吓新嘢不過佢食咗我嗰份都係覺得龍眼冰比較好食所以如果大家去到就記得嗌佢嘅招牌龍眼冰呢間都係QR code落單俾咗錢之後先至開始製作所以佢先至可以轉枱轉得咁快都不嚐是一件好事

🍧聽聞聰嫂最出名係龍眼冰 約埋鍾意食榴槤嘅朋友去食刨冰🍧龍眼椰果冰 $49用上30 粒新鮮泰國龍眼肉 冰爽刨冰拌啖啖龍眼肉碎 水晶珠推薦怕甜嘅朋友食呢款夠清淡🦠榴槤水晶珠 $59一球新鮮榴槤 唔食榴槤嘅我都唔覺得太濃烈加埋爽口爆爆水晶珠彈彈仙草🥥椰汁芒果黑糯米$46採用泰國椰汁夠香濃 呂宋芒夠大件熟度剛好 充滿芒果香🥭🥭芒果布甸29布甸滑溜溜 加埋花奶🥛滑到舖面芒果粒滑走🌼黑芝麻湯圓配桂花糖水 $32食咗咁多款凍糖水 試吓熱中式養生款暖胃糖水散發桂花清香 湯圓糯米皮煙靱黑芝麻餡流心

每次經過旺角店都好多人排隊，今次終於有機會慢慢坐低試幾款人氣甜品，傳統得嚟又有新意，質素一直都keep得好穩！😋🔸椰皇燉桃膠雙皮奶（熱）用真椰皇上，已經夠吸睛！雙皮奶滑得嚟唔會太甜，桃膠夠足料又養顏，飲晒個椰水真係超滿足～🔸黑芝麻湯圓配桂花糖水（熱）天氣涼啲飲返碗糖水啱晒，黑芝麻湯圓好足餡，咬落爆漿，配埋桂花香氣嘅糖水，飲到尾都唔覺膩。🔸芒果布甸啖啖芒果肉，口感實淨唔係啲水汪汪款，香甜好味，夏天食一流！🔸士多啤梨冰豆腐花呢個就比較有驚喜～豆腐花夠冰凍、滑溜，配上微酸草莓醬，成個感覺refresh又開胃，好適合唔想食太甜嘅朋友。

今日喺旺角行街行到攰，當然要食啲甜品慰勞一下自己，決定走入聰嫂私房甜品，嚐返幾款人氣之選！椰皇燉燕窩雙皮奶 （冷）$168 椰香清甜，燉燕窩入口滑溜，配上雙皮奶的嫩滑口感，一啖落去真係齒頰留香！感覺高貴又滋養！凍仙草椰汁西米露 （冷）$39一碗冰涼的仙草，加上椰汁的香甜同西米的彈牙，清爽解渴，非常適合夏天嘅天氣！旺角街頭人來人往，而聰嫂就係個甜品避風港。無論行街行到幾攰，都可以整碗靚甜品食，補一補元氣！

天氣咁熱，行街一定要食下消暑甜品🥵今次分別叫左龍眼椰果冰，凍椰皇榴槤燉雙皮奶同楊枝甘露。龍眼椰果冰好掂，佢唔同出邊其他鋪頭嘅刨冰，食完面頭有味道嘅，底下嗰層真係得冰，完全唔想繼續食，呢間佢係用30粒龍眼再加冰，變左沙冰，食到底都仲有味，同埋佢有椰果同埋爆珠，清新味道加豐富口感，好岩夏天食。凍椰皇榴槤燉雙皮奶呢個榴槤控真係必食！100分的推介，不誇張，榴槤果肉同雙皮奶入口即溶，非常嫩滑👍🏻最先食到重口味榴槤，然後到淡淡的奶香味，層次感豐富🔝係有驚喜。楊枝甘露呢款又係夏季受歡迎嘅消暑甜品。芒果香甜、柚子微苦、椰奶濃郁同西米露Q彈口感，帶黎豐富嘅味覺體驗。

#芒果控 #椰汁控 #雙皮奶控 ☀️大熱天時，一定要食返D甜品降下溫呀😋➡️聰嫂呢度除咗經典既港式糖水🍵之外，仲有新式創意甜品🍧所以吸引到好多👩🏻‍🦰👨🏻‍🦳👦🏻🙆🏻‍♀️唔同年齡層既人嚟幫襯✔️不過呢度都幾闊落環境同座位都好舒適就算坐滿人都唔會覺得好迫😙🔻以下係我既個人推介🔻🥭芒果奶昔雙皮奶🤍#必食推薦👍👍大大塊香甜芒果➕香滑奶昔沙冰➕ 厚實雙皮奶口感好豐富，呢個組合真係超級無敵好味😎😎🥥椰汁芒果西米露💛識食就一定食埋芒西😋香甜多汁既芒果➕Q彈西米➕香滑椰奶甜而不腻~消暑一流😋😋

聰嫂嘅港式甜品永遠都係大家嘅摯愛，既巧手又有特色，又有創新元素，下午晏晝時間都座無虛席，今次同幾個朋友食咗四款甜品 ，好滿足。👑椰皇燉桃膠雙皮奶雙皮奶本身係傳統港式甜品，而聰嫂則加入創新元素，係椰皇裡燉，結合了椰子的清甜、桃膠的膠質口感和雙皮奶的滑嫩，真係非常滋補。❄️龍眼椰果冰超高人氣的椰果冰，喺夏天食就最啱，冰沙好滑，用咗好多粒新鮮龍眼肉製作，散發著龍眼天然嘅清甜與香氣，口感層次豐富。🥭楊枝甘露用咗新鮮芒果、柚子和椰奶製成，口感滑順，充滿香甜芒果風味。🤎生磨杏仁露用慢磨方法處理，稠厚的質感，完全不滲生粉，啖啖濃香杏仁香。

聰嫂私房甜品的招牌龍眼沙冰果然是招牌之選。首先, 這間店很受歡迎, 雖然要排隊入內, 但店貝安排得很好, 我們不用等很久便可以吃到甜品, 實在很好。我點了招牌: 龍眼沙冰。它是一道非常清涼解暑嘅甜品，特別適合夏天享用。龍眼吃起來味道香甜, 很新鮮, 又清又甜又多汁, 單吃龍眼已經不得了, 質素很好, 再搭配冰涼嘅沙冰，口感滑順, 沒有大的冰塊, 吃起來很順口, 龍眼又嫩又有咬口, 沒有渣, 清洗得很乾淨, 整道甜品非常好味。用湯匙大口大口吃去享用這款清涼嘅龍眼沙冰, 相當豪邁, 讓我充分感受到夏日清爽兼甜絲絲的滋味。

最近旺角糖水多咗兩間綠色招牌嘅聰嫂，即刻好想懷念下以前嘅味道就入咗去啦。🔹芒果椰果冰 $49開頭以為佢係芒果椰果冰底，點知淨係得芒果冰底，冰底好硬，不過份量好多，食極都仲有🫢有幾粒好甜嘅芒果同埋幾粒椰果係面，正正常常🔹龍眼豆腐花 $49龍眼冰好重龍眼味，不過擺盤嗰幾粒龍眼雪到硬晒，要等佢溶咗先食到。豆腐花底好明顯係百福豆腐花嘅味道🤣呢個豆腐花幾好，唔會食極都係冰，食到一半會有豆腐花食吓，唔錯😍🔹蜜瓜豆腐花 $45食落去唔會係好假嘅蜜瓜味，佢係維他蜜瓜奶嗰隻味，而且豆腐花同樣係百福豆腐花，食呢個冰都幾搞笑🤣

話說好耐都冇食甜品，原來依家旺角聰嫂連續有兩間，而且都幾多人排隊就去咗食。仲記得以前細個喺寶琳同坑口由細食到大，但嗰到變咗其他餐廳好多年了，一直好掛住佢哋啲甜品！-楊枝甘露🥭香滑的椰漿搭配清甜的西柚，每一口都好天然清新。口感細膩，甜而不膩，非常適合炎熱的天氣。-榴槤仙草凍🍮同以前一樣咁好食！榴槤球好似連鎖傢俬店嘅雪糕一樣咁濃郁，而仙草凍有驚喜，好滑嫩。對於榴槤愛好者嚟講一定會鍾意！-椰皇黑芝麻湯團🥥黑芝麻湯圓大大粒! 外皮柔軟~入面蛋白淡淡地可以中和返湯圓嘅濃味！最意外係個椰子竟然用匙羹一刮，就可以成個椰子褪到出嚟好犀利！-芝麻糊🧉芝麻糊比出邊舖頭嘅傑身，濃稠滑順，食得出好真材實料而唔算好甜，食完好飽😆

琴晚去咗呢間聰嫂食糖水，食到尾聲嘅時候有隻超大嘅曱甴從天而降，首先跌咗落我朋友個頭度，再反彈落放咗喺隔籬嘅環保袋入面。員工聽到我哋叫咗幾次之後，就拎住佢手上面條抹枱毛巾打隻曱甴。咁隻曱甴喺凳上面係咁跑，員工就隨手拎咗另一台客人枱上面嘅餐盤打落隻曱甴度。打死咗之後就拎住紙巾包住走咗。一路行一路講因為曱甴有翼係飛入嚟嘅。明明就見住隻曱甴喺天花板跌落嚟。跟住員工完全冇再理過我哋。啲嘢食其實好普通。如果唔想食食下嘢比曱甴打到，千祈唔好嚟呢間食🫠

一向都鍾意食聰嫂嘅甜品，貪佢地點夠方便，而且價錢合理份量足！今次見佢推出咗榴槤系列即刻要試試🤤🔸龍眼椰果冰：一向都最推薦呢款糖水！清新得黎又唔會太甜，椰汁同椰果配合得恰到好處，加埋清甜嘅龍眼肉，絕對係夏天消暑必食！🔸榴槤水晶珠：榴槤控必試‼️頂層鋪滿金黃的榴槤果肉，香氣濃郁霸。入口榴槤奶油質感，同底下清爽嘅水晶珠形成絕妙對比。每一口都充滿果王嘅誠意，食完仲會回味！🔸士多啤梨椰果冰：新鮮士多啤梨打成細膩果泥融入冰底，天然莓果酸甜解渴。彈牙椰果增加咗層次。粉紅色嘅賣相充滿少女感。酸酸甜甜真係炎夏絕佳選擇。🔸楊枝甘露：經典港式甜品，絕對唔馬虎！芒果漿濃郁香甜，芒果肉又大舊又甜。西柚果肉粒粒飽滿，微酸微苦唔會太甜膩。整體用料豐富，比例均衡。

旺角人氣甜品店旺角甜品店眾多，但聰嫂一直係不少甜品愛好者的心水之選。呢次去到豉油街店，店內人流暢旺•榴槤黑糯米：榴槤味濃郁，黑糯米煙韌帶微甜，配搭恰到好處。最緊要做到色澤鮮艷，榴槤配黑糯米係好養生嘅甜品。•椰皇榴槤燉雙皮奶（凍）：奶香滑溜，加上椰皇嘅清香，榴槤味突出但唔會過重，夠特別。凍食好適合夏天，仲有椰子肉。•南北杏雪耳燉木瓜（凍）：口感順滑，木瓜甜美，帶住淡淡杏仁香，食落清潤。💡 整體感想甜品水準穩定，食材新鮮，氣氛熱鬧，等位時間唔算太長，值得一試而且呢間甜品舖呢長期都幾乎滿座，但我覺得非常值得。