喺聯和墟搵到間食泰國菜餐廳，睇左餐牌都好似唔錯就入座。
有幾個套餐供選擇，不過有部分菜式唔想食，最後都係單點散叫。去到泰國餐廳唔係唔飲冬蔭功湯下嘛，點左配海鮮冬蔭功湯。朋友都食芒果🥭，有道芒果炒牛肉，幾特別下，要試！蔬菜就點左經典嘅馬拉盞炒通菜。主食就濕炒河粉配海鮮！
冬蔭大蝦湯(細): 酸甘辣味道都有齊晒，兩個人點咗細份，都有三隻大頭蝦🦐，好飲🤤😍
芒果炒牛肉: 牛肉唔鞋口冇筋，芒果夠新鮮夠甜，又夾得到喎，有驚喜👍🏻👏🏻
馬拉盞炒通菜: 炒得偏軟身，味道較為淡左少少，不過不失
泰式濕炒河配海鮮: 河粉夠滑身，好食😋配料海鮮就正常發揮👌🏻
整體而言都好食，價錢合理，可以再食🤩🤤
由入座到食完離開都一直多人幫襯，幾旺場👏🏻👏🏻
