天吉屋 (已結業)

寶仔最唔鍾意食煎炸野，不過佢見我咁鍾意食，所以就話要帶我去日本過江龍「天吉屋」食天婦羅🍤～☺雖然「天吉屋」已經開業左一段時間，但都仲有好多人等位，我哋嗰日去，都仲要等五六個人，不過好快就安排到入座。餐廳裝潢日系，但係環境就有d迫，我哋同隔離枱係只有一個身位嘅距離，另外嗰邊係拍住一齊坐，即係我張枱郁佢就會郁，咁樣好咩？不過，「天吉屋」嘅天婦羅丼確實不錯吃！😋我哋叫左天幕御膳一齊食，店家推薦有三種食法：1. 直接食天婦羅2. 將天婦羅和米飯淋上秘製天丼醬汁食3. 將天婦羅和米飯變成茶漬飯小妹覺得頭兩個食法好正常，冇咩特別，天婦羅🍤炸得出色就絕對會好食，但茶漬飯就唔係好buy，因為湯底會浸腍d天婦羅，我就覺得有啲曬啦。不過整體來說， 「天吉屋」真係幾好食，都值得一試！😏因為寶仔最怕炸皮好粉嘅炸物，但呢度嘅天婦羅炸皮好爽脆，仲要食落一啲都唔油膩，寶仔最後仲食晒添！