影片
更多
2017-01-18
890 浏览
長大後，出黎工作自然同朋友少見了，想約時開聚舊亦都難上加難，上星期好不容易相約好耐無見既舊朋友食飯，多人食飯我地多數都會揀火鍋或燒肉，可以圍住坐又唔洗怕傾唔到計，最後我地去左依度食燒肉，當然要一大班朋友一齊圍住爐邊燒夠開心我地一行六人坐大張長枱，好在唔洗分枱坐，大家都肚餓至極，所以叫左幾款小食前菜食住等其他菜式上<<吉列生蠔>>炸得色澤金黃，外皮又脆又夠薄粉，蠔肉大大隻又啖啖肉，食落鮮甜又重蠔味，唔食沾醬食都已經好好味<<味醂魚乾>>最愛食雞泡魚乾既我都對此讚不絕口，唔會切得太薄，厚度適中，燒得剛剛好，唔會燒得太乾身又香口，口感有咬勁，食住有少少油湧出，沾少少蛋黃醬食一流<<炸雞軟骨>>依度食到既雞軟骨比外面一般食到既大粒，炸得香脆可口，油溫控制得剛好，食到原有既味道又唔會難咀嚼<<日本青蘋果蟹籽沙律>>平時食蟹籽沙律都係用青瓜絲製成，但依度用日本青蘋果，食落酸酸地，口感提升又夠爽脆，愈食愈醒胃，用蘋果絲整出黎味道不比青瓜絲差<<近江和牛雪山&
我地一行六人坐大張長枱，好在唔洗分枱坐，大家都肚餓至極，所以叫左幾款小食前菜食住等其他菜式上
<<吉列生蠔>>
炸得色澤金黃，外皮又脆又夠薄粉，蠔肉大大隻又啖啖肉，食落鮮甜又重蠔味，唔食沾醬食都已經好好味
<<味醂魚乾>>最愛食雞泡魚乾既我都對此讚不絕口，唔會切得太薄，厚度適中，燒得剛剛好，唔會燒得太乾身又香口，口感有咬勁，食住有少少油湧出，沾少少蛋黃醬食一流
<<炸雞軟骨>>依度食到既雞軟骨比外面一般食到既大粒，炸得香脆可口，油溫控制得剛好，食到原有既味道又唔會難咀嚼
<<日本青蘋果蟹籽沙律>>平時食蟹籽沙律都係用青瓜絲製成，但依度用日本青蘋果，食落酸酸地，口感提升又夠爽脆，愈食愈醒胃，用蘋果絲整出黎味道不比青瓜絲差
<<近江和牛雪山>>依款和牛刺身要提早一天預訂，訂枱時亦都順便預訂埋，一送到上枱，賣相已吸引我地所有人，忍唔住要用手機影相留念，成個活雪山噴泉咁，中間加左乾冰令整個雪山仙氣非凡，和牛色澤鮮粉，脂肪紋路好靚，一塊塊薄切鋪係座冰邊，沾醬油食，肉質軟腍，食落似灼左既煙肉口感
<<五品刺身>>叫左幾款刺身大家分享食，勁有份量同有氣勢，值得一讚既係全部刺身都係新鮮高質素，全無雪味，值得推介
龍蝦: 第一次食龍蝦刺身，質感煙煙韌韌，入口好鮮甜，有微微既龍蝦味，好好食
金目鯛 、三文魚腩 、深海池魚: 厚切刺身，肥美新鮮，真係入口即溶，係高質素既魚生刺身
帶子: 本身都好愛食帶子，超大粒，食落非常鮮甜
<<燒肉拼盤>>總共有六款燒物類，所有肉類都係頂級質素
和牛牛舌: 薄切一塊塊，雪花紋好靚，食落爽嫩多汁和牛牛頸脊、尾龍扒、九州肉眼: 三款肉質燒完後食落牛肉味濃且帶香，塊塊都表面燒至格網紋，唔洗燒太耐已經好好食，脂肪分佈平均，近乎入口即溶，咬落去仲超多肉汁鎖係裡面
鹿兒島豚腩肉: 脂肪分佈較多，本身都唔抗拒食肥腩肉，因為燒個時會將脂肪油份迫出，令塊肉更香更多汁，口感亦都相對提升大虎蝦: 每隻虎蝦都相當巨形，隻隻都已挑蝦腸同切開一半，夾左牛油係中間，燒個時牛油會滲透肉內，食落肉質爽口彈牙同陣陣牛油香
<<日式炒什菜>>
食左咁多肉，食個炒什菜平衡下，什菜爽口又唔油膩
<<牛肉壽喜鍋>>巨型版壽喜鍋，鍋中除左面頭既薄片牛肉外，仲有大量蔬菜同粉絲，湯頭味道適中，唔會過咸過甜，足夠我地六人食
<<日本雪糕>>叫左個柚子味雪糕，好重柚子味，中間仲有少許柚子皮，食落酸酸甜甜，好清新又夠醒胃
<<青之薄荷>>其實係mojito既無酒精版，食落好重薄荷同青檸味，好fresh同幾開胃，去左重油膩感，真係同酒吧所飲到既味道一模一樣，整得有版有眼
张贴
