新忠記打冷小菜館

营业中

休息中

夜晚黎到呢度打冷，聽講呢度啲野食係偏貴但係足料。首先黎到嘅係蠔仔粥，一鍋真係好大兜，入面超多蠔，而且都唔細隻，好飽滿，食落啖啖都係蠔。粥底同大地魚干一齊熬過之後，風味十足。不過挑剔嘅係食落個粥中間有好啲硬粒。之後係九肚魚蠔餅，都算係一個好有創意嘅菜式。入面嘅九肚魚都幾多，但係食落啲骨比較硬，有少少un 住。但係整體都係香口好食。另外仲有個鵝片拼墨魚，鵝片幾嫩滑，厚度岩岩好，而墨魚片都算幾彈牙。