第三站

第三站一直都係一間我哋成日去嘅餐廳，上面環境都幾舒適白色沙發好好坐。今日叫咗煙三文魚野菌忌廉燴闊條麵，呢個意粉我哋次次都會叫，忌廉汁同闊條麵好夾，食落好濃郁，煙三文魚卷到朵花咁 ，真心推介。另外叫咗墨西哥香辣肉丸燴意粉，肉丸都有成六粒，肉丸黑椒味重，幾惹味，依個意粉就唔會有忌廉嘅油膩感，辣味又唔算好重。小食叫咗蜜糖雞翼，蜜糖雞翼有六隻，每一隻都有蜜糖包住，香脆得來又唔會滯。仲有嗌薯條，薯條係有皮嘅粗薯條，粗得來又唔怕好快淋。嘢飲方面我就帶咗塔羅飲品嘅塔，佢係士多啤梨鮮打沙冰，飲得出佢嘅士多啤梨味，真係特別香濃。仲有一杯芒果沙冰，甜到啱啱好，夏天飲就最啱。