影片
更多
2016-07-02
537 浏览
一班人聚會，向來唔係打邊爐，就係放題韓燒，平時食開既火鍋都係較平價既任食火鍋，但今次朋友介紹呢間高質素既火鍋店，於是就跟佢地黎一試。六人聚會，叫了一支紫貝天葵，酸中帶甜，非常易入口，亦相當清涼。然後來的是兩個湯底，一個係新推出期間限定既冬瓜盅，而另一個係野菌黑松露，火鍋配料未到，於是就先試下兩個湯底。先試了冬瓜盅湯，冬瓜盅湯底內有瘦肉，野菇等，湯味道非常清甜，不會太濃，炎炎夏日即使打邊爐，都唔覺得熱，紓緩番係尖沙咀行街時熱既感覺。至於另一個湯底，野菌黑松露湯，香味四溢，聞到已經好開胃，飲落口有點似胡椒豬肚湯，亦相當好味，不過始終都不及一黎就幫我解暑既冬瓜盅吸引。講到配料，打邊爐唔少得既當然係牛，叫了一碟肥牛同一碟牛胸爽，兩種牛口感都係一流，肥牛咬落口，肉汁鎖係肉裡面，絕對唔會覺得乾，而牛胸爽亦都比我唔少驚喜，咬落去無平時牛胸韌既感覺，反而幾柔軟，咬口十足！其他配料方面，響鈴浸完湯底後依然脆，唔會淋哂，口感不錯。牛筋丸肉汁非常多，咬落去肉汁成口都係，只係個人覺得韌左少少（可能係因為浸湯太耐）。不得不提的是黑松露帶子餃，我自己個人打邊爐並不喜歡食各種餃類食物（魚皮餃，雲吞餃等等）但係呢個黑
六人聚會，叫了一支紫貝天葵，酸中帶甜，非常易入口，亦相當清涼。然後
來的是兩個湯底，一個係新推出期間限定既冬瓜盅，而另一個係野菌黑松露，火鍋配料未到，於是就先試下兩個湯底。先試了冬瓜盅湯，冬瓜盅湯底內有瘦肉，野菇等，湯味道非常清甜，不會太濃，炎炎夏日即使打邊爐，都唔覺得熱，紓緩番係尖沙咀行街時熱既感覺。至於另一個湯底，野菌黑松露湯，香味四溢，聞到已經好開胃，飲落口有點似胡椒豬肚湯，亦相當好味，不過始終都不及一黎就幫我解暑既冬瓜盅吸引。
講到配料，打邊爐唔少得既當然係牛，叫了一碟肥牛同一碟牛胸爽，兩種牛口感都係一流，肥牛咬落口，肉汁鎖係肉裡面，絕對唔會覺得乾，而牛胸爽亦都比我唔少驚喜，咬落去無平時牛胸韌既感覺，反而幾柔軟，咬口十足！
其他配料方面，響鈴浸完湯底後依然脆，唔會淋哂，口感不錯。牛筋丸肉汁非常多，咬落去肉汁成口都係，只係個人覺得韌左少少（可能係因為浸湯太耐）。不得不提的是黑松露帶子餃，我自己個人打邊爐並不喜歡食各種餃類食物（魚皮餃，雲吞餃等等）但係呢個黑松露帶子餃非常足料,口感好之餘甜味香味都散發出黎。其他配料方面，冰菜，豆腐，栗米等等亦都非常新鮮！
打完邊爐後係甜品時間，分別係蘋果，香桃和菠蘿3種水果既雪葩，3種雪葩都非常凍及甜，可能因為之前打邊爐既熱辣辣口感，食番新鮮又涼快既水果雪葩，口感特別涼快特別甜，非常吸引！
服務方面，上菜非常迅速，差不多10分鐘已經上齊大部份配料，而且侍應係某幾道菜會推介「烹調」的時間，例如油炸鬼需要2分鐘（不過有朋友冇聽侍應講，魚下巴煮太耐，結果就「鞋」哂），很細心，服務周到。
價錢方面，6人食左$2150，每人$360，個人覺得以呢個質素黎計並不算貴。
0 浏览
0 赞好
0 留言
张贴
