東海堂 (已結業)

聖誕節開Party點少得買個靚靚聖誕蛋糕，同朋友歡渡聖誕🎄。今次就係東海堂買左個蛋糕，賣相就超級可愛，紅色衫同紅色帽既伯伯，不難令人聯想到聖誕老人🎅🏼，充滿節日氣氛。啲人成日都話蛋糕好睇就唔好食，不過哩個絕對係好睇又好食。蛋糕邊邊大約2cm闊度係慕絲部份，中間會係蛋糕🍰，蛋糕裡面其實再分左幾層一層慕絲、一層蛋糕、一層cream，仲有層係士多啤梨醬。慕絲果層好實淨，一啲都唔膩，口感似棉花糖，放入舌上會慢慢溶化。蛋糕就軟綿綿；士多啤梨醬就有啲啲果肉；cream部份就佔好少。所以整體個蛋糕係充滿層次，唔會好甜好膩。一句講哂好食👍🏼👍🏼。