影片
更多
2021-12-20
13 浏览
難得星期六放假當然要搵埋朋友一齊出街啦，行街睇戲食飯一條龍活動🐉如是者係睇戲前先去食飯，朋友話要餐廳有聖誕氣氛🎄又話要食漢堡包🍔又要有特色唔要好似金拱門或者五條友果啲咁，就係咁肥仔帶朋友嚟左依間十月先開張嘅美式漢堡包店😁餐廳位中環閣麟街祥興商業大慶五樓，入口岩岩係蘭香園對面，不過門口太細所以有啲難發現肥仔仲係樓下轉左幾個圈先搵到😵💫餐廳佈置充滿聖誕氣氛，燈飾擺設都令人有種chill嘅感覺，店員係我地諗緊食咩果陣推薦我地試吓新出嘅聖誕套餐（$268一份）包一杯飲品、一份沙律、一份配菜、兩個迷你漢堡包同埋一份甜品Christmas Starter🔴🥗迎合聖誕嘅紅當當，由幾種蔬菜經醃製之後變組成嘅酒紅色沙律，味道酸酸甜甜認真開胃😄BBQ Pulled Pork Mac & Cheese🐖🧀 食落有一種好熟悉嘅燒烤醬味道，芝士通粉表面有一層芝士粉烤出嚟嘅薄脆片，內裏就有拆散左嘅燒豬肉，配合埋一齊食，香濃芝士加上BBQ醬嘅味道，軟淋通粉夾有嚼勁豬肉絲，味道濃郁口感唔錯😋Cranberry Turkey Slider🦃🍔漢堡包中嘅小紅莓醬，有效減低火雞肉同芝士嘅膩口感覺，酸甜果醬同肉味柔和融合M
餐廳位中環閣麟街祥興商業大慶五樓，入口岩岩係蘭香園對面，不過門口太細所以有啲難發現肥仔仲係樓下轉左幾個圈先搵到😵💫
餐廳佈置充滿聖誕氣氛，燈飾擺設都令人有種chill嘅感覺，店員係我地諗緊食咩果陣推薦我地試吓新出嘅聖誕套餐（$268一份）包一杯飲品、一份沙律、一份配菜、兩個迷你漢堡包同埋一份甜品
Christmas Starter🔴🥗
迎合聖誕嘅紅當當，由幾種蔬菜經醃製之後變組成嘅酒紅色沙律，味道酸酸甜甜認真開胃😄
BBQ Pulled Pork Mac & Cheese🐖🧀
食落有一種好熟悉嘅燒烤醬味道，芝士通粉表面有一層芝士粉烤出嚟嘅薄脆片，內裏就有拆散左嘅燒豬肉，配合埋一齊食，香濃芝士加上BBQ醬嘅味道，軟淋通粉夾有嚼勁豬肉絲，味道濃郁口感唔錯😋
Cranberry Turkey Slider🦃🍔
漢堡包中嘅小紅莓醬，有效減低火雞肉同芝士嘅膩口感覺，酸甜果醬同肉味柔和融合
Mulled Wine Slider🍷🍔
用傳統聖誕香料酒製成醬汁，配上迷你漢堡扒，再係中間夾住一塊鮮橙，令口感增添一種爽甜口感
Bacon Brussel Sprouts 🌱
抱子甘藍經過烤焗後保持爽脆口感，味道微苦，有甜甜地嘅醬汁可以去除其中嘅苦味，仲有少少芝士焦香味
New York Yuzu Cheesecake 🍰
餅身軟滑入口即溶，蛋糕配上酸酸甜甜嘅莓醬，令蛋糕保持清爽嘅口感，頂層仲有小小鮮忌廉，帶起蛋糕嘅甜味
Peach, Apple & Lemon Tea🍑🍎🍋
由桃、蘋果、檸檬組合嘅水果茶，果味香甜，飲落口有一種清新嘅感覺，解渴一流👍水果配搭適宜，果味既融合又能夠獨立感受到當中不同
整體來講，餐廳主打美式快餐，以小食同漢堡包為主，其中特色迷你漢堡包更為其中一個賣點🍔每樣食物都份量足，望落去細細件食落又好飽肚，係一個適合三五知己一齊嚟吹水放鬆食飯嘅好地方
张贴
