影片
更多
2022-07-01
9 浏览
📍叁不館💛 - #YFF天后 💎【老香港懷舊風 良心港式邊爐店】以前細個打邊爐一定要揀任食套餐，覺得任飲任食先夠喉夠盡興😆 人大咗慢慢開始覺得quality遠遠重要過quantity，留啲quota黎單點自己鐘意食嘅高質食材反而仲正🤪 呢日兩丁友突然心癢癢想烚下烚下，搵到呢間近排人氣十足嘅良心火鍋店💛夏天嘆住冷氣打邊爐就是爽😙 小店係叁嘗嘅兄弟店，主打老香港情懷嘅懷舊港式邊爐。店內裝修走復古本土玩味風，餐牌仿報紙排版設計，牆身貼咗唔少懷舊風海報，又用上摺檯摺凳模仿大排檔環境，令人好似返返去八十年代嘅舊香港咁，環境佈局設計極具心思，成個場好打卡able～食物選擇頗豐富，但好可惜我地兩丁友嗌唔到好多款🥹 坐低落單後店員會送上一盤多款排到好靚嘅醬料俾我地自己調醬 (醬料費: $18 / 人)，其中最特別嘅有店家自製嘅蔥油同埋麻辣汁，炒得好香好惹味。➤ 復古味沙爹湯 x 香茜皮蛋湯($128 + 雙併$20）沙嗲湯底睇落好稀好清咁，但食落幾濃味，而且幾重花生味同香料味；芫茜皮蛋湯清清地，味道自然溫潤，清熱下火。➤ 頂級安格斯牛頸脊 (大 - $328)打邊爐除咗個爐，最緊要嘅緊係肥牛啦🤪 我地
【老香港懷舊風 良心港式邊爐店】
以前細個打邊爐一定要揀任食套餐，覺得任飲任食先夠喉夠盡興😆 人大咗慢慢開始覺得quality遠遠重要過quantity，留啲quota黎單點自己鐘意食嘅高質食材反而仲正🤪 呢日兩丁友突然心癢癢想烚下烚下，搵到呢間近排人氣十足嘅良心火鍋店💛夏天嘆住冷氣打邊爐就是爽😙 小店係叁嘗嘅兄弟店，主打老香港情懷嘅懷舊港式邊爐。店內裝修走復古本土玩味風，餐牌仿報紙排版設計，牆身貼咗唔少懷舊風海報，又用上摺檯摺凳模仿大排檔環境，令人好似返返去八十年代嘅舊香港咁，環境佈局設計極具心思，成個場好打卡able～
食物選擇頗豐富，但好可惜我地兩丁友嗌唔到好多款🥹 坐低落單後店員會送上一盤多款排到好靚嘅醬料俾我地自己調醬 (醬料費: $18 / 人)，其中最特別嘅有店家自製嘅蔥油同埋麻辣汁，炒得好香好惹味。
➤ 復古味沙爹湯 x 香茜皮蛋湯($128 + 雙併$20）
沙嗲湯底睇落好稀好清咁，但食落幾濃味，而且幾重花生味同香料味；芫茜皮蛋湯清清地，味道自然溫潤，清熱下火。
➤ 頂級安格斯牛頸脊 (大 - $328)
打邊爐除咗個爐，最緊要嘅緊係肥牛啦🤪 我地唔想爭食所以就嗌咗碟大size，份量都算對得住個價錢嘅。牛頸脊油脂分布好平均，有好靚嘅雪花紋理。入口軟嫩完全唔韌，牛味濃郁，食到油香但完全唔會食到成口油，咬落反而好有肉感，極推介！
➤ 鮮蝦雲吞 拼 手工韭菜餃($80 + $10)
兩款都係由店家手工製作，新鮮包起。前者皮薄餡靚，蝦肉爽口彈牙，食落好香蝦籽味；後者大隻飽滿，餡料充足，好香韮菜味。
➤ 雜菜拼盤 ($88)
包括生菜、白菜仔、娃娃菜同埋蕃茄，切好晒整整齊齊咁排列，每款都幾新鮮，吸晒湯汁好入味(⁎⁍̴̛ᴗ⁍̴̛⁎)
➤ 檸檬薏米水 ($48 / jar)
打邊爐咁熱氣最啱就係飲啲下火嘅野飲～ 檸檬茶薏米水可以去濕食熱，最啱食完啲咁重口味嘅野之後幫助去水腫，仲幫助消化添。呢壺薏米水唔會好甜，冰涼清爽超解渴！
總結，呢間小店裝修幾有特色，環境舒適寬敞，而且食物質素都相當高質。不過因為食物份量唔多，想捧住個肚走嘅話價錢上會相對高昂，不過都建議大家可以叫多幾個朋友黎食試多幾款配料～
张贴
