中央飯店

营业中

休息中

今日陪老人家嚟食情懷。長輩年青時候常常嚟呢度食飯，佢哋主動話要嚟懷舊一下，所以今朝早上八點就帶佢哋嚟到。好開心見返點心車仔，同埋好有主見話俾你聽應該食乜嘢嘅姐姐，佢哋好有心機，將叫嘅食物剪細咁我哋易啲分，食到咁上下飽，先至見到姐姐由廚房拎啱啱整好嘅雞球大包出嚟，一大盤大約10個，每個有兩個半拳頭咁大，無奈我已經飽到食唔到，唯有影幾張相，姐姐見我咁興奮，特登擺低盤包俾我影🫶 嘢食係正常酒樓質素，金錢肚好腍，今日冇芝麻卷，有啲可惜。