芝加哥串燒酒場

好少夜場酒吧會有串燒，蘭桂坊一間新開嘅串燒店叫芝加哥，串燒唔錯，又有酒飲下，又有歌聽下，係一個唔錯嘅選擇！ 今日趁着朋友生日，帶佢過嚟熱鬧一番！ 原來星期四晚嘅蘭桂坊，越夜越多人，好有氣氛！今日主力係食串燒飲酒， 原來食串燒都可以咁飽肚！ 串燒到，好震撼， 原來唔覺唔覺，叫吓叫吓叫咗咁多🤣 一陣仲要食蛋糕添🤣兩個女人仔叫咗廿幾串嘢😜再加四杯酒精飲品， 都唔使$900 ，真心抵食！等我逐一介紹吓，今晚食咗乜嘢串燒啦。。。培根蘆筍卷我比較鍾意食呢個卷，因為薄薄地包住蘆筍，食落冇咁油膩。黑毛豬腩串黑毛豬腩肥瘦適中，好食！安格斯牛肉蘆筍串保留到肉汁，加埋蘆筍食落去感覺冇咁熱氣！煙燻和牛牛舌好有牛肉味，煙燻過嘅牛舌，口感好似午餐肉，好特別！燒豬大腸燒得好脆，唔會有渣，冇咬唔到嘅感覺！秘製金沙骨冇諗過咁大條金沙骨都可以插响支竹籤做串燒，都係第一次見😂蜜糖雞翼搽咗薄薄一層蜜糖喺面，好脆口芝士黑松露玉子玉子好香軟，味道略帶甜，賣相亦好討好！新鮮翠玉瓜保留原汁，唔會乾乾爭爭！燒粟米甜甜地，又唔會燒到好乾，保留粟米裏面嘅水份！黑松露蝦串開邊蝦，然後塗上黑松露，食落去有另一番風味！因為朋友生日，買咗兩件ca