大阪日本料理 (已結業)

從前响亞士厘道嘅大阪日本料理原來租約滿咗，已經搬咗去尖東嘅富豪九龍酒店一樓。其實尖東都幾方便，而且舖頭仲比以前大咗好多，坐得更加舒服，仲有提供鐵板燒，又有VIP房，好多選擇不過就算唔係坐鐵板燒枱，都可以order鐵板食物，今次我哋叫咗鐵板燒南非鮑魚大蝦同帆立貝：鮑魚選用南非鮑魚，新鮮响魚缸攞出嚟，鐵板烹調切薄片，再加上黑松露汁，非常惹味大蝦就煎到九成熟，非常爽口，另外師傅非常細心將蝦頭蝦腳壓平再煎到非常脆口，好似食緊蝦條咁，好特別帆立貝鐵板燒，新鮮嘅日本帆立貝其實可以做刺身，所以鐵板燒都唔需要煮到好熟，食到半生熟嘅口感，另外配咗炒雜菇，小小嘅牛油豉油已經吊出咗帆立貝嘅鮮甜味日本蛋卷裏面加咗明太子，蛋卷煎到好濕潤，蛋漿好有蛋味，明太子少少鹹香混合一齊食好夾跟住叫咗啲餐廳都出名嘅串燒包括有牛舌芯，選用最嫩嘅部位，燒烤同調味都唔錯大蔥雞串，甜甜嘅燒汁加上蔥白嘅甜味，雞肉都燒到好嫩口日本雞翼，選用雞全翼，外皮燒到好脆，但亦都保持到肉汁免治雞肉串，點日本蛋一齊食，嫩滑加香口，雞肉仲混合咗一啲雞軟骨，特別有咬口紐西蘭羊鞍，燒到七成熟，羊騷味唔重，而且選用係細隻嘅羊仔，啲肉特別嫩汁煮鯛魚頭，用日式甜