陳儀興飯店 (崇齡街)

营业中

休息中

成日經過新蒲崗見呢一間小店都會有人排隊，而且門面睇落去有啲歷史嘅痕跡，正宗潮州打冷老字號。今日終於嚟到一試呢度嘅潮州菜。我哋食咗招牌滷水鵝，滷水鵝夠肉質嫩滑，而且好入味，整得好出色。另外底下仲有啲滷水豆腐，連埋啲滷水汁一齊食，非常美味。另外仲叫咗普寧豆腐，一碟份量都幾多，炸得好香脆，豆腐夠滑，點埋個韭菜汁或醋，味道更加突出。再叫咗個蒜香骨，炸得脆得來又唔會好熱氣。蒜香味夠濃，面上有啲炸蒜，好香口，送飯一流。仲叫咗個忌廉飲，爽！埋單$270左右，抵食！