印度皇

营业中

休息中

近排对印度菜特别心思思，多咗去揾印度菜餐厅，发现原来在上环有一间极老字号嘅印度餐厅，心念在香港屹立十多二十年质素一定不会差，就决定去试吓。点好餐之后首先上枱嘅竟然系汤，真系意料不及，因为系送的，抵赞啦。📌Lamb Shank Masala 玛沙拉羊膝印度菜上碟通常都不会太靓，这碟羊膝都不例外，但首先的惊喜嚟自份量，大大嘅两件羊膝，好满足；跟住大惊喜系食落肉质超腍，好香羊膻味，配上印度菜独特嘅酱汁，原来羊可以系咁好味，印象深刻。📌Tandoori Fish 香烧马友鱼印度嘅Tandoori烤肉就比较多食，Tandoori鱼小编就少食，鱼肉白净嫰滑，鱼皮香脆，加点柠蜜汁更加香口。📌Garlic Naan 蒜茸烤饼印度烤饼好似系印度菜必食，这款蒜茸烤饼比较厚身，口感差少少，因为小编比较喜欢薄脆，不过香浓蒜茸味够吸引，净食不配咖喱都不错。📌Young Coconut 椰青椰青冰凉清甜，比较一般大只，椰肉亦香甜。📌Mango Lassi 芒果酸奶Lassi浓度特别高，好有质感，芒果亦好香，最特别系竟然有类似咖啡嘅拉花，好有心思。