食潮州菜就一定要食生醃，係香港要食生醃真係唔多選擇！朋友喺鰂魚涌做嘢，發現陳儀興尚潮樓有多款生醃，一知道就立即去試試啦！
坐底後，店員龍即奉上潮州工夫茶，以示歡迎！
潮州菜必點滷水菜式，我哋就揀左 #鵝三寶，分別有鵝肉、鵝腸、鵝肝，呢三款都係我哋最喜歡的！鵝肝粉嫩，入口順滑唔腥；鵝腸爽口，鵝肉肥瘦適中，滷得都好入味！
🌟 生醃螄蚶
生醃螄蚶係香港都好少地方有得食，估唔到呢度有，而且非常乾淨，又夠鮮味！
🌟 生醃瀨尿蝦
生醃瀨尿蝦已經剪好哂，全部都有膏，鮮味十分，肉質滑溜，喜歡生醃就會明有幾好食！
🌟 椒鹽九肚魚
即點即炸，熱辣辣上枱，新鮮又夠脆口，咬落脆卜卜，魚肉嫩滑，連啲骨都可以食埋落肚！
🌟 胡椒咸菜豬肚湯
好香嘅胡椒味，豬肚乾淨又爽口，加埋咸菜，可以用嚟撈飯，又夠暖胃！
