影片
更多
2008-07-14
4 浏览
早兩日兩口子行開呢個商場, 行到咁上下已經到晚飯時間, 於是師傅又四圍睇下有咩好食啦, 左揀右揀, 挑挑剔剔之後, 最後師傅決定食日本野; 而呢間食店師傅已經好耐冇去, 主要原因係覺得唔平, 但今餐決定食好少少, 所以就豁出去!去到門口, 侍應好有禮問幾多位, 師傅就話兩位, 跟住侍應又問有冇訂位, 師傅當然答冇啦, 但係心諗如果有訂位實第一時間行埋去即講架, 點會唔講呢? 所以都覺得呢個侍應幾騎離! 坐底後兩口子即刻商量下食咩, 有幾項大類決定唔食之後, 最後就柯打左一丁拉麵沙律, 燒帆立貝, 炸特式芝士薯餅, 陶板蒜蓉牛肉粒, 銀鱈魚西京燒同埋一杯巨峰梳打! 等左一陣最先登場嘅係一丁拉麵沙律, 一丁拉麵沙律係用一丁公仔麵配上生菜, 雞絲同蕃茄, 加埋麻醬撈勻而食, 味道相當搶口, 一丁公仔麵整得煙煙韌韌, 好爽口彈牙, 加上生菜夠清, 蕃茄夠鮮甜, 一d都唔腥, 雞絲亦唔鞋唔韌, 加上份量唔少, 好味抵食, 而麻醬亦係自己調味, 想點就點真係唔錯; 接住落黎係燒帆立貝, 一客有兩串, 每串有四粒, 帆立貝好鬆, 一d都唔硬, 但係燒汁就幾濃味, 所以咸左少少, 可以啦!至於炸特
去到門口, 侍應好有禮問幾多位, 師傅就話兩位, 跟住侍應又問有冇訂位, 師傅當然答冇啦, 但係心諗如果有訂位實第一時間行埋去即講架, 點會唔講呢? 所以都覺得呢個侍應幾騎離! 坐底後兩口子即刻商量下食咩, 有幾項大類決定唔食之後, 最後就柯打左一丁拉麵沙律, 燒帆立貝, 炸特式芝士薯餅, 陶板蒜蓉牛肉粒, 銀鱈魚西京燒同埋一杯巨峰梳打!
等左一陣最先登場嘅係一丁拉麵沙律, 一丁拉麵沙律係用一丁公仔麵配上生菜, 雞絲同蕃茄, 加埋麻醬撈勻而食, 味道相當搶口, 一丁公仔麵整得煙煙韌韌, 好爽口彈牙, 加上生菜夠清, 蕃茄夠鮮甜, 一d都唔腥, 雞絲亦唔鞋唔韌, 加上份量唔少, 好味抵食, 而麻醬亦係自己調味, 想點就點真係唔錯; 接住落黎係燒帆立貝, 一客有兩串, 每串有四粒, 帆立貝好鬆, 一d都唔硬, 但係燒汁就幾濃味, 所以咸左少少, 可以啦!
至於炸特式芝士薯餅一客三件, 薯餅都炸得幾脆而且唔油, 但味道一般, 唔夠吸引, 加上芝士都幾膩, 師傅覺得麻麻地啫; 陶板蒜蓉牛肉粒就係將一d生嘅牛肉粒放喺塊板度自己燒, 慢慢燒熟佢, 牛肉粒都幾新鮮, 肉質夠鬆而肉汁亦夠, 味道甚佳, 加上自己燒可以控制牛肉粒熟嘅情度, 確實幾過癮!
銀鱈魚西京燒就係最後上枱, 銀鱈魚都幾靚, 肉質好鬆身, 加上一d都唔硬亦冇雪種味, 配埋燒汁味道極好; 但始終燒汁味道較濃, 所以咸少少, 此時旁邊嘅生菜正好發揮中和作用, 好野! 巨峰梳打正正係加入左梳打, 所以巨峰梳打香味, 而味道亦唔會太甜, 好味!
總括黎講食物質素頗佳, 環境亦係非常舒服, 服務態度又好, 有求必應; 而價錢亦比想像中平, 埋單三百幾, 唔算貴喎; 坦白講呢間食店真係值得一試, 就算翻丁亦不失為過, 有機會師傅一定會再黎, 今次笑臉絕對走唔甩啦!
张贴
