Mue Mue

营业中

休息中

美麗華開左間新泰國餐廳，裝修高雅有情調，由入門囗開始就明顯系統泰國風情，啱晒打咭。紅磚豆腐，外層係用紅菜頭汁製成，炸得金黃香脆，入面好嫩滑，口感豐富。炭燒沙嗲雞肉，雞肉嫩滑juicy，醃料入味，炭燒香氣撲鼻。配埋香濃嘅花生醬，非常惹味，食到停唔到口。海鮮冬蔭公，湯底香辣惹味，酸辣得啱啱好。海鮮新鮮彈牙，有蝦有青口有墨魚，仲有蘑菇同蕃茄，豐富到爆，啖啖都係鮮味。金沙麥皮蝦，蝦肉新鮮爽口，外層包裹住香脆嘅麥皮，再撒上香濃嘅咸蛋黃，香口得嚟又夠鹹香，好想叫多碟食。菠蘿炒飯香噴噴，飯粒粒粒分明，菠蘿酸甜可口，仲有蝦仁同臘腸點綴，口感豐富。芒果糯米飯好特別，糯米飯軟滑香濃，份量非常多，香甜軟糯，芒果新鮮多汁，配埋椰汁，甜而不膩。嘢飲選擇都多，而且多數有東南亞特，椰青仲刻咗餐廳logo，椰青水份滿滿。龍眼茶可以食到好多龍眼果肉，好好味。