Mue Mue

营业中

休息中

之前響出邊路過見到呢度間酒吧已經覺得呢間餐廳好靚，今次入嚟入邊食嘢發現入邊嘅佈置都勁多打卡位，仲要有private 房，可以以一家人包房食飯都可以呢度嘅Menu都幾多選擇，尤其因為佢係酒吧，所以嘢飲選擇都特別多，同埋有唔同嘅小食，真係花多眼亂，如果有選擇困難症嘅，可以揀佢有特別標誌嘅招牌菜式，今次同朋友黎dinner,都揀多咗幾款小食試吓泰式小食薈萃（2人份量）$188小食Platter可以揀2/4人份量，每樣都可以揀4款小食，我地就揀左香茅雞翼，泰式蝦多士，紅磚豆腐同埋香辣脆蝦片，蝦片記得意有啲泰式香料味，豆腐外脆內嫩，不過食嘅時候記得小心辣口炭燒沙嗲手工雞串 $98見到佢限量供應咁巴閉，梗係要試吓啦，又真係幾嫩滑，燒得幾好食，基本上去泰國餐廳都必點嘅菜式泰式椰子鮮雞湯 $268食泰國嘢當然唔少得飲返個湯先啦，超級甜嘅湯，見到原隻鮮雞件，又有超多椰子肉，好足料嘅湯酒香火焰骨 $228本身想試火山骨，不過原來需提前2天預訂，下次想食嘅朋友仔記得要預訂啦，不過都有另一個版本，都幾大份，心諗如果真係揀咗釜山骨應該夠一圍枱人食，着晒火打卡一流，軟腍腍嘅豬肉骨，偏辣，唔食得辣嘅朋友仔要注意一下

今次去咗Mue Mue試佢嘅週末早午餐🤭同朋友點零鐘去到，見到個場將近全滿，就估倒應該會幾好味啦～成個餐好多嘢食，除咗定量嘅前菜、湯、主菜同甜品，最吸引就係泰式小食放題！就算每樣菜細細份，加埋加埋已經好飽好滿足😗喺度分享下幾樣覺得好深刻嘅item～酸辣無骨鳳爪：拆曬骨嘅鳳爪咬落爽脆，酸辣汁好開胃，加埋蒜蓉同辣椒碎好夾摩登海鮮冬陰功：呢個湯真心驚喜～本身有少少擔心好辣，但係原來呢度嘅冬陰功係以香茅同檸檬葉味為重，海鮮以蝦同蜆為主，仲有好多車厘茄，整體味道偏酸，好適合超熱嘅夏天飲☀️炭燒豬頸肉沙津：話就話係「小食」但份量唔少，四大塊燒得幾香嘅豬頸肉配埋用薑蒜整嘅醬，同青木瓜沙津一齊食又香又清爽馬拉盞炒椰菜：唔好以為炒菜好普通，個人覺得要炒得好味都唔簡單㗎🫡 呢碟椰菜嘅熟度好適中，唔會太硬但又唔係冧到爛，馬拉盞醬取代咗草青味之餘亦冇掩過菜嘅清甜，份量仲幾多，係幾意外地深刻嘅一道呢麥皮金沙原隻蝦球：送上嚟見到滿滿嘅麥皮同鹹蛋黃已經好期待🥹隻蝦幾大幾新鮮，炸粉好鬆好脆，聞落同食落都好濃鹹蛋黃味，加埋麥皮碎令香口度更上一層樓，勁邪惡但好味！黑糖椰子雪糕：對於我呢個椰子控嚟講，呢個甜品實在係啱曬🤤雪糕

今晚黎左呢一間朋友介紹的泰菜，朋友話食過坐得舒服今晚而且食物味道有保證，所以今晚就黎試吓。一入到餐廳，就覺得佢嘅氛圍好舒服，幾適合打　卡，餐廳仲有室外同室內部分。泰式小食薈萃 $188 六樣入面可以揀四樣香茅雞翼：外表酥脆，好香炸蒜味。泰式蝦多士：大大塊，啲蝦膠好彈牙。紅磚豆腐：炸到外脆內嫩，呢個大推。炭燒豬頸肉：有四塊豬頸肉，肥瘦均勻，燒到好香。炭燒沙嗲雞 $98有三串，佢個雞肉係好嫩，雞皮有啲焦香感，點埋個好香花生味的沙嗲醬食，更加令到雞肉味道昇華。泰式椰子鮮雞湯 $268一上枱就聞到好香椰子味，份量估唔到咁大，都有幾多椰子同雞，飲入口好順滑好舒服。酒香火焰骨 $228以為佢鋪滿晒辣椒碎會好辣，點知唔算辣，個豬肋骨好容易就整得開，咬入口好滑，加上個汁有啲酸辣，幾開胃。泰胡椒和牛炒糯米河 $228牛肉有好多塊，一啲都唔韌，炒得好有鑊氣，河粉係闊身的，入口好煙韌。黑糖椰子雪糕 $68面頭的椰絲，加上冰凍的雪糕，仲有龍眼肉同桃膠等，口感層次好豐富。Painting $78上枱已經心心眼，色彩好繽紛，有好多不同生果同lemonade mix 埋，入口好refresh。芒果椰子沙冰 $68芒

前排想食泰式嘢又想搵間坐得舒服靚靚嘅餐廳同朋友慢慢嘆就揀咗呢間試咗佢哋嘅brunch set😗個set包咗前菜、湯、無限量供應小食、主菜同甜品，仲配咗杯特色雞尾酒，超多嘢好吸引！前菜有三款：🤍酸辣無骨鳳爪🤍魚子醬紅磚豆腐🤍泰式青醬鮑魚。酸辣無骨鳳爪一上枱已經令我流哂口水，鳳爪去哂骨後，軟腍入味，酸辣醬汁帶啲微辣同檸檬嘅清香，入口爽脆又開胃，好快就食完成碟。魚子醬紅磚豆腐係意想不到嘅驚喜，豆腐外脆內軟，熱辣辣配上魚子醬嘅鹹香同微微爆汁感，口感同味道層次好豐富。泰式青醬鮑魚更加要用高質黎形容，鮑魚鮮嫩彈牙，青醬帶有羅勒同香茅嘅泰式風味，濃而不搶，完美提升咗鮑魚嘅鮮味。三款前菜各有特色！🥰🍲湯品係摩登海鮮冬陰功，真係泰國菜嘅經典再升級！湯底酸辣平衡，椰奶嘅香濃同辣椒、青檸葉嘅刺激感完美融合，飲落暖胃又醒神。海鮮料多到誇張，有鮮蝦、魷魚全部新鮮得一啲腥味都無，每啖湯都充滿海鮮嘅甜味同冬陰功嘅層次感。湯嘅份量啱啱好，唔會太飽，畀人好想快啲試下一道菜。😍無限量供應小食真係今次嘅亮點！特別想highlight 泰式青醬生蝦、馬拉盞炒椰菜、炭燒豬頸肉沙律、金不換肉碎生菜包同泰式蝦多士青醬生蝦蝦肉好爽彈

想同朋友舒舒服服食晚飯，選了這間裝修別致，用餐環境舒適的泰國餐廳。先上泰式小食薈萃香茅雞翼，真正皮脆肉嫩泰式蝦多士，多士配原隻蝦連蝦尾，香脆。炭燒豬頸肉，肉質精緻，半肥瘦的搭配加上醬汁，讓每一口都充滿層次感。酸辣無骨鳳爪則是開胃的選擇，辣味十足。接下來的炭燒沙嗲（雞），三串的份量足夠，自家調配沙嗲醬的風味十分出色，讓人感受到濃濃的泰式風情。泰式椰子鮮雞湯以奶白色的湯頭和濃郁的椰子味，很養生的一款湯水。酒香火焰骨的點火儀式為整頓增添了不少趣味，兩大件的份量足，可以感受到豬軟骨的嫩滑與脆骨的口感，酸辣的醬汁恰到好處。泰胡椒和牛炒糯米河則以重牛肉味著稱，鑊氣十足，和牛肉片的醇厚搭配韌性的糯米河，口感極佳，讓人一試難忘。lychee rose則以玫瑰與荔枝味相互融合，清新可口。Painting: 多款水果特製的飲品，味道豐富又可解膩最後，店員推薦的甜品黑糖椰子雪糕，薄薄的黑糖醬搭配椰子雪糕，配料豐富，包括桃膠、圓肉、愛玉和椰子乾，每一口都讓人驚喜。想讚一讚這裡職員態度友善，整體用餐經驗愉快～

朋友推薦的Mue Mue ，話係近期佢香港餐廳踏入一扇通往泰國的小門，除左渡船街大排檔外，係應該另一多人講的餐廳。乜都唔知跟人來到，朋友更安排好了大部分的食物，先來的炭燒沙嗲牛串，加上佢哋好有力度嘅沙嗲汁，我覺得都應該唔會有錯。泰式椰香鮮雞湯，好開胃，雞湯個底其實好似冬蔭功，雞好滑，係一個唔錯嘅開胃選擇。小食揀了豬頸肉、蝦多士、雞翼、鳳爪。雞翼炸到唔油多蒜幾惹味，樣樣都幾好，炸物相對出色。酒香火焰骨，火焰骨都幾辣，不過佢係傳統最流行嘅大骨，部份位肉嫩軟骨都幾好食，不過多左個上火儀式，又加多左分，愛打卡嘅更多一層歡樂，視覺與味覺的交錯。我好鐘意泰胡椒和牛炒糯米河，和牛靚之餘，個糯米河好煙韌，調味又唔會太鹹，好食。甜品黑糖椰子雪糕幾好，淡淡椰味香，愛甜品的細佬不停讚口，想起微風中的泰國椰樹。飲品有Mue Punch，你都估到係fruit punch 朋友咁，個人熱愛雪糕紅豆珍多冰，更有泰國感覺。

今日有朋友生日，打算帶佢吃餐好既。上次黎Mue Mue 食覺得唔錯，一於再試試。 泰式小食薈萃 - 有豬頸肉，鳳爪，紅磚豆腐同埋蝦多士。依度既炸物真係好正，紅磚豆腐外脆內滑，加埋炸蒜更香。蝦多士都好正，厚身，蝦肉都好多，炸到剛到好處，推介。炭燒沙嗲雞串 - 一份有3串，沙嗲汁比較濃，少少辣味。雞肉切到一口大小，而且燒到岩岩好，嫩滑仲有唔少肉汁。 泰式椰香鮮雞湯 - 眼見真材實料，有大量雞件，南薑，香茅，椰子肉。湯頭勁鮮甜膩，份量唔細，一人有兩碗，好飲到好快就飲完。 酒香火焰骨 - 上菜時真係嘩左聲，勁大份。侍應仲會淋上酒再即場燒香，正。有兩大件而且肉質好軟好糯，加上個汁少少香辣，勁惹味，推薦！ 泰胡椒和牛炒糯米河 - 糯米河粉同平時既唔同，佢更加有口感。但佢有中式干炒牛河既鍋氣香味，真正既中泰fusion菜，唔錯。 甜品叫左黑糖椰子雪糕 - 特別係佢個base係竹蔗茅根啫喱，加左少少黑糖，食落好特別，估唔到甜品都可以甘樣fusion。 整體Mue Mue 水準一流，餐廳好有誠意甘創作fusion菜，味道都唔錯，絕對值得一試。

Chill chill泰式Fusion放題Brunch~~今個週末同閨蜜一齊去咗尖沙咀一間高級泰國Fusion西餐廳慶祝生日餐廳環境優雅，係米白色主題同綠植裝飾點綴座位寬敞，坐得舒服任食放題泰國菜食物質素令人驚喜絕對推介俾想搵個靚地方歎Brunch 聚會嘅人放題前菜份量十足，選擇多到眼花撩亂，我哋兩個女仔食到好滿足，仲覺得每道菜都好有心思，食材新鮮，擺盤又精緻，質素完全對得住高級餐廳嘅定位.🧡前菜冬陰功湯、串燒沙爹、泰式生蝦都係偏正宗泰國風味冬陰功湯酸辣濃郁，材料豐富泰式生蝦夠新鮮夠凍魚子醬紅磚豆腐～ 小驚喜個炸粉好薄，入邊豆腐好滑影完相先食都仲係好脆🧡主菜主菜揀咗烤魚同埋炸蝦球 兩個都好特別未喺出邊其他餐廳食過呢一個菜式泰式得來有fusion西餐嘅感覺心機菜色 值得一試🧡甜品 （大推！！）芒果糯米飯同椰子雪糕 兩樣都好出色芒果糯米飯甜而不膩，糯米軟糯，芒果香甜椰子雪糕配白涼粉 輕盈又Creamy食完咁多嘢都食得晒清碟 因為真係好好味冬陰功湯、串燒沙爹、泰式生蝦都係偏正宗泰國風味冬陰功湯酸辣濃郁，材料豐富泰式生蝦夠新鮮夠凍同閨蜜一邊食一邊影相打卡，度過咗一個好Chill嘅下午，感覺好似

週末想chill下食個brunch，就揀咗呢間喺美麗華3樓嘅泰式fusion餐廳，裝修走泰式時尚風，坐得都幾舒服今次試咗佢哋嘅泰式週末早午餐，認真夠豐富魚子醬紅磚豆腐，外層香脆，內裡軟滑，鹹香同豆腐好夾再嚟係海鮮冬陰功，酸辣湯底濃郁得來唔會過火，湯料十足，酸酸辣辣好開胃金不換肉碎生菜包又係正，肉碎香口，混入金不換的獨特香氣，用生菜包住一口咬落，濃味得嚟夠爽，食多d都唔覺得膩。主菜叫咗麥皮金沙原隻蝦球，大蝦外層裹上脆香麥皮，沾滿鹹香蛋黃醬，蝦肉爽彈，蛋黃醬濃而不膩食咗前菜同主菜其實都已經好飽，點知甜品先係重頭戲雪糕芒果糯米飯同黑糖椰子雪糕一樣咁正芒果糯米飯甜而不膩，糯米軟糯帶椰香，配上芒果雪糕，一冷一熱完美配搭。黑糖椰子雪糕則甜中so帶點椰子味，食到一半我哋撈埋同個芒果糯米飯一齊食，出奇地夾整體黎講，呢個價錢有咁樣嘅餐廳環境同食物質素都幾合理，下次週末想Chill下都應該會再嚟

😺小食拼盤👉🏻泰式蝦多士👉🏻紅磚豆腐👉🏻炭燒豬頸肉👉🏻酸辣無骨鳳爪蝦多士口感酥脆，內脆內滑❣️紅磚豆腐不得了，個外皮厚道剛好， サクサク！加上入面新鮮嫩滑熱騰騰，配埋炸蒜粒，不得了❣️😺炭燒沙嗲雞串雞肉肥美嫩滑，炭燒沙嗲除左 少少辣椒來仲有少少甜味 加埋花生粒嘅口感，幾特別❣️😺泰式椰子鮮雞湯用上新鮮椰子肉，香矛，南薑等 熬制嘅鮮雞湯，超香椰子味❣️😺酒香火焰骨大大件火焰上菜時燒得火紅增加風味，又多肉， 軟骨爽脆，大滿足❣️😺泰胡椒和牛炒糯米河第一次食一片片嘅糯米炒河， 口感煙人胡椒香獻突出和牛咗非常之林，勁好食😋😋😋😺黑糖椰子雪糕有椰子脆絲做topping 同清新竹蔗茅根啫哩做底，多重口感，椰子味滿溢❣️😺飲品👉🏻雪糕紅豆珍多冰👉🏻泰式奶茶打卡同味道都冇得輸嘅餐廳😺😺😺

美麗華呢一區執咗好多餐廳，汰弱留強，留得低嘅都係強者。摩登泰菜由總監周世韜師傅主理，以中式烹調手法重新演繹泰國菜，餐廳佔地7,000呎，設有室內梳化雅座同戶外雅座，裝潢以象牙白為主調，配以熱帶植物同藝術品，營造出清新雅緻、遠離塵囂嘅用餐氛圍。泰式小食薈萃選擇多，香茅雞翼外脆內嫩，蝦多士彈牙，紅磚豆腐大推，炭燒豬頸肉香口。炭燒沙嗲牛串肉質嫩滑，沙嗲醬花生味濃，配搭一流。泰式椰香鮮雞湯椰香突出，雞肉嫩滑，湯底順滑唔膩。酒香火焰骨肉質鬆化，醬汁酸辣開胃，唔會太辣。泰胡椒和牛炒糯米河牛肉多且嫩，河粉煙韌，鑊氣足。黑糖椰子雪糕冰凍香甜，配料豐富，層次感強。Painting及雪糕紅豆珍多冰色彩繽紛，味道清新，打卡靚又消暑。整體味道有驚喜，擺盤靚，氣氛舒服，適合聚餐！😋

大癲Brunch🤤一個set包晒頭盤，前菜，湯，小食，主菜，甜品~侍應話唔使揀小食，佢會包晒😳生蝦，炭燒豬頸肉，串燒，蝦多士，雞翼，炒椰菜，生菜包！係全部都有！！！omgggg！留意返呢度只係小食！！份份都好有份量 完全冇揸流攤👐🏻私心推介！魚子醬紅磚豆腐！平時我唔食豆腐都覺得好正，外面脆卜卜鹹鹹地，裏面超級滑！湯揀咗蟹肉海鮮羹，超級足料，除咗蟹肉之外，仲有青口魷魚，啖啖都係海鮮，而且大大碗，超級滿足。生蝦勁多隻，目測最少十隻！鍾意食生野嘅話超級頂到癮！生菜包，佢唔辣啱晒我哋呢啲唔食辣嘅人，肉碎炒得香，生菜都好新鮮，甜甜地，正！主菜揀咗海南雞，佢係冇骨嘅，啲肉好嫩滑，淡淡嘅椰香，唔會太肥啱啱好！

進入餐廳，柔和的燈光感覺好舒服，還有中央打卡位很吸引，優雅的大型白色花裝飾。 店員很有禮貌及充滿笑容，覺得親切。因為我晚上6時食飯，所以人不多，但7時都很滿的。這裏還有幾個房間，適合與一班朋友聚會。 泰式小食薈萃 2人份量 $188有4款小食選擇，我們點了香茅雞翼、泰式蝦多士、紅磚豆腐、炭燒豬頸肉 炭燒沙嗲手工牛串 （3串） $108很有驚喜，牛肉很鬆軟，切成大大粒的牛肉粒，熟到剛剛好泰式椰子鮮雞湯 $268淡淡奶香的椰子湯，鮮肉鮮味 酒香火焰骨$228這道菜手機要ready😆，店員把酒淋在豬肋骨上，再點火，便成了酒香火焰骨。酸酸辣辣的，很開胃，份量十足。 泰胡椒和牛炒糯米河 $228乾炒牛河經常吃，但和牛炒糯米河第一次吃，牛肉多，而且肉質嫰，糯米河夠煙韌 黑糖椰子雪糕$68有心思的雪糕，最頂是燒過椰絲，加上竹蔗茅根啫哩，桃膠。雪糕內有椰絲和黑糖，有口感，甜度剛好。 雪糕紅豆珍多冰 $78是高級版真多冰，黑糖椰子雪糕，濃郁椰汁，大愛！ 芒果椰子沙冰$68芒果味濃，甜度適中

日前約朋友在諾士佛臺聚舊，豈料原定的餐廳要內部維修，於是便臨急抱佛腳找尋食肆，無意中發現這間食肆。當時約下午六時半左右，從大門口看見餐樓面，見當時食客不多，裝修也頗雅致，逐入內用餐聊天。由於我和友人都沒有在這泰國菜餐應的用膳經驗，唯有參考OPENRICE其它食評的推介點餐，因為今天的目的是聚舊聊天，餐點美食還是其次。我倆點了一個2人份量的泰式小食薈萃，最終選擇了4款小食拼盤:香茅雞翼、泰式蝦多士、紅磚豆腐、炭燒豬頸肉。當待應端上來時，其擺盤確實是有些驚喜。再來便是炭燒沙嗲手工牛串，我和友人都異常喜歡食牛肉(除了牛腩，因為飽和脂肪含量普遍都超過20%)，故我們對分這3串牛肉(共12小塊)。牛肉串甫一入口，便覺超乎預期的鬆軟，靠近竹籤的位置，還有少許呈現粉紅色的肉質，充份表現製作此美食的廚師對燒烤牛肉串時間掌握的職人藝。這兩個頭盤的美味，令我對往後要端上來的泰國菜式，都滿懷期待。泰式椰子鮮雞湯比較特別是這個酒香火焰骨，由於我倆點的小盤，只有約2~3小塊的豬肋骨件。不過，當火焰骨由待應諯上來時，叫我們小心，便心覺不妙。原來是端上菜式的待應要幫這個袖珍小型火焰骨，進行點火的儀式。因為加工的菜式

平時日式放題就食得多，今日就轉下口味，同表姐去試下呢個幾得意嘅泰式brunch放題啦！🤤前菜：無骨酸辣鳳爪軟骨位爽脆，醬汁又開胃，一口一件會上癮。魚子醬紅磚豆腐外脆內嫩仲有少少爆汁，魚子既咸鮮增色不少。泰式青醬鮑魚，食得出羅勒同蒜頭味，鮑魚肉緊緻，一嚼就斷湯我就揀咗個蟹肉海鮮羹，上面有唔少既海鮮料，有魷魚、蝦仁等等。仲有滿到瀉既蟹肉係面，可想言之碗湯有幾鮮啦，而且勁大碗好足料！小食放題啲小食碟碟都勁大份好足料泰式青醬生蝦，蝦肉彈牙冇雪味，醬汁酸甜可口。炭燒豬頸肉沙律，豬肉嫩滑保留肉汁，濃邊位炭香味十足，配合沙律能解膩即烤沙嗲串，有雞同牛，數一數成盤有9串咁多，串燒偏甜同乾身少少，我就幾鍾意嘅。泰式蝦多士，算係少見既菜色，蝦肉同面包炸得金黃香脆，但又外脆內軟，配合甜酸汁可以一試。馬拉盞炒椰菜，即係蝦醬炒菜加辣，馬拉盞咸香惹味，椰菜爽脆，真係好大碗。金不換肉碎生菜包，豬肉炒得鬆散，香草味濃烈。兩個女仔戰鬥力高極有限，所以我哋都冇叫第二round啦～主菜：我哋就揀咗咖哩牛頸脊配薄餅同麥皮金沙原隻蝦球，咖喱係甜甜地嘅，適合大部分人口味，突顯出其他香料同椰子味，入邊有粉絲，吸晒啲汁真係好正，薄餅