影片
更多
2017-07-01
1240 浏览
繼之前講過返工地點柴灣冇啖好食，其實連我住的黃大仙區都係美食沙漠。除左詠藜園之外，都冇邊間特別標青。不過鳳凰新村都有一間質素唔差的潮州菜店「雄興打冷」。環境係好佬味的地踎店，菜單就寫晒係牆上，廿幾款選擇唔算好多，但我想食的都有齊。去潮州菜館必點當然係滷水鵝，一般人喜歡食啖啖肉的鵝片，我就比較鍾意帶骨的，因爲近骨的肉會嫩滑d。一人分量$68，三人以上$90，如果人少又想食其他菜式，點一人就夠了。肉質都算腍，滷水汁香而不鹹，都滷得幾入味，點埋醋酸酸地更加開胃。墊底的豆腐吸收左鵝油同滷水精華，不可錯過。蠔仔粥（小$30）非常有驚喜，蠔仔粒粒肥大飽滿，鮮度十足，個湯底都好惹味，但飲完又唔會口渴，係呢度必點的一味。大腸拼鵝腸（$60）又邪惡又大碟，滷水汁同樣係比較清爽，豬腸有點肥膏但唔算過分，鵝腸爽口冇異味，佐酒一流。最後點個大排檔菜式豉椒炒蜆（$60），雖然蜆肉都算大粒，但總係覺得唔夠鑊氣唔夠香，所以相對較失色，或者去潮州菜館唔應該食呢d。見到好多枱貌似熟客一坐低都會點一道火腩炆春菜（$40），我未食過春菜，下次可以試試。順帶一提，好多人批評呢度的服務態度好差，我果日去又唔係咁，事頭婆幾熱情，
不過鳳凰新村都有一間質素唔差的潮州菜店「雄興打冷」。環境係好佬味的地踎店，菜單就寫晒係牆上，廿幾款選擇唔算好多，但我想食的都有齊。
去潮州菜館必點當然係滷水鵝，一般人喜歡食啖啖肉的鵝片，我就比較鍾意帶骨的，因爲近骨的肉會嫩滑d。一人分量$68，三人以上$90，如果人少又想食其他菜式，點一人就夠了。肉質都算腍，滷水汁香而不鹹，都滷得幾入味，點埋醋酸酸地更加開胃。墊底的豆腐吸收左鵝油同滷水精華，不可錯過。
蠔仔粥（小$30）非常有驚喜，蠔仔粒粒肥大飽滿，鮮度十足，個湯底都好惹味，但飲完又唔會口渴，係呢度必點的一味。
大腸拼鵝腸（$60）又邪惡又大碟，滷水汁同樣係比較清爽，豬腸有點肥膏但唔算過分，鵝腸爽口冇異味，佐酒一流。
最後點個大排檔菜式豉椒炒蜆（$60），雖然蜆肉都算大粒，但總係覺得唔夠鑊氣唔夠香，所以相對較失色，或者去潮州菜館唔應該食呢d。
見到好多枱貌似熟客一坐低都會點一道火腩炆春菜（$40），我未食過春菜，下次可以試試。
順帶一提，好多人批評呢度的服務態度好差，我果日去又唔係咁，事頭婆幾熱情，有個伙記哥哥都好nice，可能好彩？
47 浏览
0 赞好
0 留言
43 浏览
0 赞好
0 留言
48 浏览
0 赞好
0 留言
52 浏览
0 赞好
0 留言
张贴
