夏捌月 (已結業)

近期元朗開左好多新餐廳，身為居民的我多左好多選擇， 朋友今次帶我去她家附近一間新開的西餐廳， 裝潢簡單、舒適~ 餐廳提供西餐為主，款式都算多選擇， 價錢合理，而且仲係免收加一服務費添~ 每個晚餐套餐送餐湯、法包、熱飲或凍飲加兩蚊 我同朋友各點左一個晚餐套餐~ 是日餐湯有紅、白湯兩種， 紅湯係羅宋湯，白湯係忌廉湯， 我地都叫左白湯， 湯碗仲好可愛，有微笑符號， 忌廉湯都好香濃，另外配上餐廳自家製作的法包，好味!!! <西冷牛扒併法國鵝肝 >  可以選擇黑椒、洋蔥、燒汁，我就加五蚊點左最愛的蒜泥汁 因為唔想食太飽，所以要左薯菜~ 西冷扒大大一塊，而且都幾厚身， 廚師烹調時間控制的好好，牛扒煮到內生外熟， 將肉汁和鮮味鎖住 一切開見到入面粉嫩幼嫩的肉質，正! 朋友點的<忌廉汁平目魚扒併元貝> 賣相都好吸引 帶子新鮮又大隻， 平目魚扒唔會煎得太燶， 外層香脆，魚肉鮮嫩~ 另外要大讚的係配角薯菜， 外香脫可口，內鬆軟似薯蓉， 一般餐廳多數係薯條或者薯角~ 下次想試下個德國豬手~~