研香

营业中

休息中

硏香係尖沙咀厚福街，鋪頭唔大但啲甜品超正，每款都好吸引，有邪惡既增肥甜品又有養生既傳統甜品，好出色😚椰汁紫米西米露💜一個好出色既傳統甜品，紫米好軟糯，椰汁岩岩好，唔會太甜，西米又唔會煮到太爛，好有口感，凍凍地咁食真係好好味，味道好適中，又夠晒滑夠晒綿，超正！杏仁茶🤍白淨淨滑捋捋既杏仁茶好香，加埋蛋白，充滿蛋香同杏仁既香氣，好甘香，一啲苦味都無，啲杏仁好靚，成碗都好滑，有層薄膜包住果嘴咁，真係好好飲，又香又滑真係超正呀，飲完好似飲晒啲蛋白質入身咁，好美顏呀！