臺北棧 (港威商場)

营业中

休息中

髒髒鹹蛋黃芋泥蛋餅($88)見到Menu有呢款咁吸引嘅蛋餅即刻落咗單，一上菜見到實物嘅顏色配搭好搶眼 加蛋餅入面好足料，啲芋泥湧啲出嚟添！食落口仲好濃厚，蛋餅皮亦都唔會過厚，又有創意又抵食。酸辣牛肉麵配寬粉絲 ($128)台灣料理嘅代表又點少得牛肉麵，餐廳淨係牛肉麵都有成五個選擇，辣與唔辣任君選擇。今次揀咗酸辣，寬粉絲吸哂啲湯頭嘅精華勁好食！明太子甜不辣 ($78) 小食嚟講價錢有啲進取，不過甜不辣配明太子又幾夾～木瓜牛乳 ($58) 新鮮木瓜配牛乳係不敗組合～我愛台妹 ($108) 由普洱茶酒調製而成嘅雞尾酒，都幾易入口。