影片
更多
2008-02-07
9 浏览
又到一年一度的農曆年初一青衣城飲茶lunch, 一行8 人0黎青衣城分頭行事0係4 間酒樓搵位, 呢度又最快有位, 結果當然食了呢度. 2:30pm 先坐低, 大家都餓得發慌, 狂風掃落葉一輪, 乜0野都覺得好食@_@"- 珍珠雞: 賣相好靚好「公整」, 不過d 飯太濕, 腍bad bad 的; 配料唔少, 味道一般.- 唔知乜0野炸豆腐: bite size 的豆腐炸漿唔過厚, 都幾脆, 入面d 豆腐就幾滑又有豆香, 不過就咁食比較淡口, 配炸蒜粒會好少少, 雖然其實d 蒜粒都唔太夠味-_-"- 醉雞翼: 酒味太淡, 不如叫「凍食油鹽花雕涮雞翼」好過-_-"- 流沙奶黃包: 絕對唔係流沙的, 有d 失望, 不過大家都好欣賞佢奶黃餡又香又唔太甜, 個包熱辣辣又幾軟熟, 算啦.- 蘿白絲酥餅: 呢個唔錯, 熱辣辣, 唔太油, 好夠「酥」, 如果蘿白絲再多d 甜d 就perfect 了!- 海蜇拼牛(月展): 海蜇無乜特別, 牛(月展)幾腍不過無味, 食得好無癮.- 蝦蟹菜苗餃: 一向好鍾意食菜苗餃, 貪佢d 菜又多又爽甜, 呢度的都ok, 係層皮厚0左d;「蝦蟹」就當然剁得極碎濕濕,
- 珍珠雞: 賣相好靚好「公整」, 不過d 飯太濕, 腍bad bad 的; 配料唔少, 味道一般.
- 唔知乜0野炸豆腐: bite size 的豆腐炸漿唔過厚, 都幾脆, 入面d 豆腐就幾滑又有豆香, 不過就咁食比較淡口, 配炸蒜粒會好少少, 雖然其實d 蒜粒都唔太夠味-_-"
- 醉雞翼: 酒味太淡, 不如叫「凍食油鹽花雕涮雞翼」好過-_-"
- 流沙奶黃包: 絕對唔係流沙的, 有d 失望, 不過大家都好欣賞佢奶黃餡又香又唔太甜, 個包熱辣辣又幾軟熟, 算啦.
- 蘿白絲酥餅: 呢個唔錯, 熱辣辣, 唔太油, 好夠「酥」, 如果蘿白絲再多d 甜d 就perfect 了!
- 海蜇拼牛(月展): 海蜇無乜特別, 牛(月展)幾腍不過無味, 食得好無癮.
- 蝦蟹菜苗餃: 一向好鍾意食菜苗餃, 貪佢d 菜又多又爽甜, 呢度的都ok, 係層皮厚0左d;「蝦蟹」就當然剁得極碎濕濕, 唔太食到.
- 蝦腸: 腸粉滑溜, 配上甜豉油幾好食! d 蝦幾爽口鮮甜, 而且份量足夠, 算係咁.
- 叉燒腸: 呢個比蝦腸好食, 不過我覺得叉燒0鞋0左少少.
- 雞扎: 只分到一塊腐竹, 食0左都唔記得.
- 蜆介鯪魚球: 蜆介醬不見了-_-" 阿爸話「好食過羅富記」, 阿姨就好欣賞鯪魚球「完全唔腥」... 我一向唔太食鯪魚球, 不過今次的我接受到,「唔腥」的確係真的.
- 沙爹金錢肚: d 汁食落唔係好似沙爹, 似咖喱多d -_-", 不過幾惹味的; 金錢肚爽口入味, 好食! 底部仲有粉皮, 不過唔係咁索汁, 味道一般.
- 椒鹽魷魚鬚: 炸漿太厚又太油, 好在魷魚彈牙又有肉汁(!), 還好啦.
- 叉燒酥: 夠「酥」, 味道一般, 不過好耐無食, 算啦.
- 鮑汁雞腳: 呢個因為阿姐漏了單(我0地睇住佢補入的), 等了好一陣子, 0黎到時就有貨不對辦0既感覺... 聞落好濃烈花生味, d「鮑汁」好深色又稀得似湯,「畢」了一小羹試味, 完全係生/老抽溝水, 味道好差, 搞到連花生雞腳我都無胃口食了.
另外仲叫了蝦餃同山竹牛肉球, 不過因為唔夠分, 我無食到.
環境唔錯, 我0地被安排了坐有海景睇的房位, 裝修亦幾靚; 招呼都唔算太差, 不過又漏單又無俾蜆介醬我0地, 服務一欄要扣分了.
埋單約$90 一個頭, 美心集團0黎講我覺得合理. 阿媽話「美心集團都唔會衰得去邊0既!」... 係呀, 不過都唔會好得去邊囉!
张贴
