Boy n Burger (已結業)

依間漢堡包已經開咗一段時間，一直都冇機會試。 今日一試，發現整體質素唔錯。朱古力奶昔好甜，甜到膩，夠哂邪惡， 不過相較m記黎講，佢既奶昔冇咁杰身 ，同埋真係飲到朱古力嘅味，可以encore。漢堡要左青醬炸雞扒辣肉腸漢堡上層係酸黃瓜，下面分別係炸雞扒，半片嘅辣肉腸，再黎一片大蕃茄切片同埋一啲椰菜 。由於辣肉腸嘅辣味同埋酸黃瓜酸味實在太過出眾，搶哂夾喺兩者中間嘅雞扒嘅風頭。 炸雞扒相對嚟講好似冇乜味道， 個包整體嚟講唔算乾身，但亦稱唔上好juicy。埋單96蚊，食得飽。